Эльбрусоид :: Эльбрусоид :: Форум "Кавказ 2020"

Кёб джашагъан – кёб билир.
Элге къуллукъ этмеген, элге ие болмаз.
Джыйырма къойну юч джыйырма эбзе кюте эди.
Къонакъ болсанг, ийнакъ бол.
Биреуню эскиси биреуге джангы болмайды.
Ач къарным, тынч къулагъым.
Чыкълы кюнде чыкъмагъан, чыкъса къуру кирмеген.
Юй ишлеген балта эшикде къалыр.
Таугъа чыгъаллыкъ эсенг, тюзде къалма.
Терслик кетер, тюзлюк джетер.
Адамны аманы адамны бети бла ойнар.
Ханы къызы буюгъа-буюгъа киштик болду.
Эртде тургъан джылкъычыны эркек аты тай табар.
Байны къызы баймакъ болса да, юйде къалмаз!
Малны кют, джерни тюрт.
Суугъа – таянма, джаугъа – ийнанма.
Киштикге къанат битсе, чыпчыкъ къалмаз эди.
Ата Джуртча джер болмаз, туугъан элча эл болмаз.
Къуллукъчума, деб махтанма, къуллукъ – хаух джамчыды!
Аман адам этегингден тутса, кес да къач.
Эки элинги тыйсанг, джети элде махталырса.
Битмегеннге сакъал – танг.
Экеу тутушса, биреу джыгъылыр.
Эшекни не къадар тюйсенг да, ат болмаз.
Термилгенинги табмазса, кюлгенинге тюберсе.
Эринчекни эр алмаз, эр алса да, кёл салмаз, кёл салса да, кёб бармаз!
Чомарт бергенин айтмаз.
Ариу джол аджал келтирмез.
Айырылгъанланы айю ашар, бёлюннгенлени бёрю ашар.
Адебни адебсизден юрен.
Хар адамгъа кеси миннген тау кибик.
Биреуге кёлтюрген таягъынг, кесинги башынга урур.
Адам къыйынлыгъын кёлтюрюр, зауукълугъун кёлтюрмез.
Окъдан джара эртде-кеч болса да бителир, сёз джара, ёмюрге къалыр.
Ашхы адам – халкъ байлыгъы, ашхы джер – джашау байлыгъы.
Этим кетсе да, сюегим къалыр.
Эшекге миннген – биринчи айыб, андан джыгъылгъан – экинчи айыб.
Айтхан – тынч, этген – къыйын.
Адеб этмеген, адеб кёрмез.
Къарнынг ауруса, ауузунгу тый
Мал ёлсе, сюек къалыр, адам ёлсе, иши къалыр.
Орну джокъну – сыйы джокъ.
Элни кючю – эмеген.
Джюз элде джюз ёгюзюм болгъандан эсе, джюз джууугъум болсун.
Билимден уллу байлыкъ джокъду.
Татлы сёз – балдан татлы.
Джыланны къуйругъундан басарынг келсе, аны башы болгъанын унутма.
Джан саулукъ бермей, сан саулукъ бермезсе.
Кёпюр салгъан кеси ётер, уру къазгъан кеси кетер.
Къартны бурнун сюрт да, оноугъа тут.