Эльбрусоид :: Эльбрусоид :: Форум "Кавказ 2020"

Адам туугъан джеринде, ит тойгъан джеринде.
Таугъа чыгъаллыкъ эсенг, тюзде къалма.
Терслик кетер, тюзлюк джетер.
Кесине оноу эте билмеген, халкъына да эте билмез.
Баш болса, бёрк табылыр.
Орундукъ тюбюнде атылсам да, орта джиликме, де да айлан.
Мени джылытмагъан кюн, меннге тиймесин!
Ач къарным, тынч къулагъым.
Ханы къызы буюгъа-буюгъа киштик болду.
Аш берме да, къаш бер.
Шайтан алдады, тюзлюк къаргъады.
Ачлыкъда тары гырджын халыуадан татлы.
Ариу сёзде ауруу джокъ.
Эшекни не къадар тюйсенг да, ат болмаз.
Аурууну келиую тынч, кетиую – къыйын.
Тамбла алтындан бюгюн багъыр ашхы.
Адамны сабийин сюйген джюреги, бычакъча, джитиди.
Къарт болгъан джерде, берекет болур, сабий болгъан джерде, оюн болур.
Кийиминг бла танылма, адамлыкъ бла таныл.
Ауузу аманнга «иги», деме.
Aдам боллукъ, сыфатындан белгили.
Джашынгы кесинг юретмесенг, джашау юретир.
Тили узунну, намысы – къысха.
Адам сёзге тынгыла, акъыл сёзню ангыла.
Сормай – алма, чакъырылмай – барма.
Аджал соруб келмез, келсе, къайтыб кетмез.
Къошда джокъгъа – юлюш джокъ.
Уруну арты – къуру.
Чомарт къонакъ юй иесин сыйлар.
Ашхылыкъ джерде джатмайды, аманлыкъ суугъа батмайды.
Тюзлюк шохлукъну бегитир.
Адамны бетине къарама, адетине къара.
Уллу сёзде уят джокъ.
Ёлюк кебинсиз къалмаз.
Ач уят къоймаз.
Сакъалы текени да бар, мыйыгъы киштикни да бар.
Эринчекни эр алмаз, эр алса да, кёл салмаз, кёл салса да, кёб бармаз!
Сабийликде юретмесенг, уллу болса – тюзелмез.
Сабыр джетер муратха, сабырсыз къалыр уятха.
Ашыкъгъан cуу, тенгизге джетмез.
Ачыу алгъа келсе, акъыл артха къалады.
Къууут – джелге, берне – бошха.
Джукъу тёшек сайламайды.
Гитче джилтин уллу элни джандырыр.
Бети бедерден, намыс сакълама.
Тешигини къатында, чычхан да батыр болур.
Чарсда алчыны эл кёреди.
Тёзгеннге, джабылгъан эшик ачылыр.
Ишлегенде эринме, ишде чолакъ кёрюнме.
Нёгер болсанг, тенг бол, тенг болмасанг, кенг бол.