- Эринчекни аурууу – кёб.
- Окъугъан озар, окъумагъан тозар.
- Джырчы ёлсе, джыры къалыр.
- Рысхысына кёре, джаш ёсер, къышлыгъына кёре, мал ёсер.
- Биреуге аманлыкъ этиб, кесинге игилик табмазса.
- Джаш къарыу бла кючлю, къарт акъыл бла кючлю.
- Чакъырылмагъан джерге барма, чакъырылгъан джерден къалма.
- Джукъу тёшек сайламайды.
- Башланнган иш битер, къымылдагъан тиш тюшер.
- Къалгъан ишге къар джауар.
- Аманнга алтын чыдамаз.
- Билими азны – ауузунда кирит.
- Термилгенинги табмазса, кюлгенинге тюберсе.
- Кийим тукъум сордурур.
- Билимден уллу байлыкъ джокъду.
- Таш ата билмеген, башына урур.
- Билимли ёлмез, билимсиз кёрмез.
- Къозулугъунда тоймагъан, къойлугъунда тоймаз.
- Кёл – къызбай, къол – батыр.
- Бюгюн дуния кибик, тамбла ахыратды.
- Аманны эки битли тону болур, бирин сеннге кийдирир, бирин кеси киер.
- Джол бла сёзню къыйыры джокъ.
- Эте билген, этген этеди, эте билмеген, юретген этеди!
- Суугъа – чабакъ, къаягъа – ыргъакъ.
- Джаз бир кюнню джатсанг, къыш талай кюнню абынырса.
- Къонакъ аман болса, къонакъбай джунчур
- Иши джокъну, сыйы джокъ.
- Минг тенг да азды, бир джау да кёбдю.
- Акъыллы айтыр эди, акъылсыз къоймайды.
- Кёзю сокъурдан – къоркъма, кёлю сокъурдан – къоркъ.
- Ишге юренсин къоллары, халкъ бла болсун джоллары.
- Ишин билген, аны сыйын чыгъарады.
- Тура эдим джата, къайдан чыкъды хата?
- «Ёгюз, джаргъа джууукъ барма, меннге джюк боллукъса», - дегенди эшек.
- Ишни ахырын ойламай, аллын башлама.
- Чомарт джарлы болмаз.
- «Ма», - дегенни билмесенг, «бер», - дегенни билмезсе.
- Къар – келтирди, суу – элтди.
- Накъырда – кертини келечиси.
- Айтханы чапыракъдан ётмеген.
- Бир абыннган – минг сюрюнюр.
- Мен да «сен», дейме, сен да «кесим», дейсе.
- Уллу айтханны этмеген – уллаймаз.
- Чакъырылгъанны аты, чакъырылмагъанны багъасы болур.
- Адам сёзюнден белгили.
- Эр сокъур болсун, къатын тилсиз болсун.
- Тойгъан антын унутур.
- Ачлыкъ отха секиртир.
- Ат да турмайды бир териде.
- Кесинге джетмегенни, кёб сёлешме.