- Айырылмаз джууугъунга, унутмаз сёзню айтма.
- Тюзню ётмеги тюзде къалса да, тас болмаз.
- Тёзген – тёш ашар!
- Акъдан къара болмаз.
- Аджаллыгъа окъсуз шкок атылыр.
- Ётген ёмюр – акъгъан суу.
- Термилгенинги табмазса, кюлгенинге тюберсе.
- Сормай – алма, чакъырылмай – барма.
- Айтылгъан буйрукъ, сёгюлмез
- Кёзден кетген, кёлден да кетеди.
- Ач да бол, токъ да бол – намысынга бек бол.
- Къатыны харакетли болса, эри къымсыз болур.
- Къанны къан бла джуума, аманны аман бла къуума.
- Тёрдеги кюлсе, эшикдеги ышарыр.
- Къатын байлыкъны сюер, эр саулукъну сюер.
- Борчунг бар эсе, хурджунунга ойлаб узал.
- Къарнынг бла ёч алма.
- Бек анасы джыламаз.
- Баш болса, бёрк табылыр.
- Сабийликде юретмесенг, уллу болса – тюзелмез.
- Аман киши кеси юйюнде – къонакъ.
- Билгенни къолу къарны джандырыр.
- Джашлыкъ этмеген, башлыкъ этмез.
- Дуния мал дунияда къалады.
- Адамны аты башхача, акъылы да башхады.
- Тас болгъан бычакъны сабы – алтын.
- Акъыл аздырмаз, билим тоздурмаз.
- Тойгъа алгъа да барма, тойда артха да къалма.
- Минг тенг да азды, бир джау да кёбдю.
- Босагъагъа джууукъ орун болса, ашыгъыб тёрге озма.
- Уллу сёзде уят джокъ.
- Арбаз сайлама да, хоншу сайла.
- Тилчиден кери бол.
- Керилген да, ургъан кибикди.
- Зар адам ашынгы ашар, кесинги сатар.
- Башланнган иш битер, къымылдагъан тиш тюшер.
- Джыгъылгъанны сырты джерден тоймаз.
- Ёзденликни джайгъан – джокълукъ.
- Адам сёзге тынгыла, акъыл сёзню ангыла.
- Эки итни арасына сюек атма, эки адамны арасында сёз чыгъарма.
- Кюл тюбюндеги от кёрюнмейди.
- Тик ёргени, тик энгишгеси да болады.
- Ёлмесенг да, къарт дамы болмазса?
- От этилмеген джерден тютюн чыкъмайды.
- Ауругъаннга – кийик саулукъ, джетген къызгъа – чилле джаулукъ.
- Къыйынлы джети элни къайгъысын этер.
- Чыкълы кюнде чыкъмагъан, чыкъса къуру кирмеген.
- Урама да – ёледи, сатама да – келеди.
- Ариу сёз джыланны орнундан чыгъарыр.
- Иги бла джюрюсенг, джетерсе муратынга, аман бла джюрюсенг, къалырса уятха.