- Биреуню эскиси биреуге джангы болмайды.
- Ишни аллы бла къууанма да, арты бла къууан.
- Къайгъы тюбю – тенгиз.
- Аманнга игилик этсенг, юйюнге сау бармазса.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чомарт къолда мал къалмаз.
- Абынмазлыкъ аякъ джокъ, джангылмазлыкъ джаякъ джокъ.
- Эл элде бирер малынг болгъандан эсе, бирер тенгинг болсун.
- Джырчы ёлсе, джыры къалыр.
- Миллетни бойну – базыкъ, аны бла кюрешген – джазыкъ.
- Ана – юйню кюн джарыгъы.
- Башы ишлегенни, ауузу да ишлер.
- Иги сёз – джаннга азыкъ, аман сёз башха – къазыкъ.
- Эм ашхы къайын ана мамукъ бла башынгы тешер.
- Ёмюрлюк шохлукъну джел элтмез.
- Тил бла келеди джыр да.
- Эринчекни эр алмаз, эр алса да, кёл салмаз, кёл салса да, кёб бармаз!
- Игиге айтсанг – билир, аманнга айтсанг – кюлюр.
- Ач къалгъандан, кеч къалгъан къолай.
- Ёлген ийнек сютлю болур.
- Адамны артындан къара сабан сюрме.
- Чоюнну башы ачыкъ болса, итге уят керекди.
- Рысхы – насыбха къор.
- Дженгил джетерикме деб, узун джолну къоюб, къысхасын барма.
- Джашда акъыл джокъ, къартда къарыу джокъ.
- Ашда уялгъан – мухар, ишде уялгъан – хомух.
- Джарлы джети элни сёзюн этер.
- Чомарт къонакъ юй иесин сыйлар.
- Чакъырылмай келген къонакъ сыйланмай кетер.
- Эр абынмай, эл танымаз.
- Байны оноуу, джарлыгъа джарамаз.
- Бети бедерден, намыс сакълама.
- Къонакъ кёб келюучю юйню, къазаны отдан тюшмез.
- Билген билмегенни юретген адетди.
- Биреу къой излей, биреу той излей.
- Юйюнгден чыкъдынг – кюнюнгден чыкъдынг.
- Джумушакъ терекни къурт ашар.
- Кесине гебен этелмеген, биреуге черен эте эди.
- Тёзгеннге, джабылгъан эшик ачылыр.
- Ат да турмайды бир териде.
- Нафысынгы айтханын этме, намысынгы айтханын эт.
- Татлы сёз – балдан татлы.
- Аллахха ийнаннган кишини, Аллах онгдурур ишин.
- Соргъан айыб тюлдю, билмеген айыбды.
- Ариу сёз аурууунгу алыр.
- Джарлы эскисин джамаса, къууаныр.
- Эки къатын алгъанны къулагъы тынгнгаймаз.
- Кийиминг бла танылма, адамлыкъ бла таныл.
- Киштикге къанат битсе, чыпчыкъ къалмаз эди.
- Ашхы атаны – джашы ашхы, ашхы ананы – къызы ашхы.