- Ачылгъан эт джабылыр, кёрген кёз унутмаз.
- Аууздан келген, къолдан келсе, ким да патчах болур эди.
- Тойгъан антын унутур.
- Аман адам элни бир-бирине джау этер.
- Керек ташны ауурлугъу джокъ.
- Агъач халкъгъа алтынды, иссиликге салкъынды.
- Босагъа таш юйге кирмей эди, тыбыр таш эшикге чыкъмай эди.
- Къарнынг ауруса, ауузунгу тый
- Кюн – узун, ёмюр – къысха.
- Кечеси – аяз, кюню – къыш, джарлы къаргъагъа бир аш тюш!
- Шекер бла туз – бир болмаз, ушамагъан – юй болмаз.
- Ата джурт – алтын бешик.
- Эр сокъур болсун, къатын тилсиз болсун.
- Ёмюрлюк шохлукъну джел элтмез.
- Тура эдим джата, къайдан чыкъды хата?
- Таукелге нюр джауар.
- Кёлсюзден сёзсюз тууар.
- Бозаны арты дауур болур.
- Душманны тышы – акъ, ичи – къара.
- Ат басханны джер билед.
- Бёрю да ач къалмасын, эчки да ашалмасын.
- Эски джаугъа ышанма.
- Телиге от эт десенг, юйюнге от салыр.
- Джырына кёре эжиую.
- Эшекни не къадар тюйсенг да, ат болмаз.
- Къатын къылыкъсыз, эр тынчлыкъсыз.
- Рысхысына кёре, джаш ёсер, къышлыгъына кёре, мал ёсер.
- Кесине оноу эте билмеген, халкъына да эте билмез.
- Танг атмайма десе да, кюн къоярыкъ тюйюлдю.
- Эки итни арасына сюек атма, эки адамны арасында сёз чыгъарма.
- Эринчекни аурууу – кёб.
- Ариу сёз аурууунгу алыр.
- Ойнаб айтсанг да, эслеб айт.
- Къар – келтирди, суу – элтди.
- Джылар джаш, атасыны сакъалы бла ойнар.
- Билимли ёлмез, билимсиз кёрмез.
- Джырчы джырчыгъа – къарнаш.
- Юйюнгден чыкъдынг – кюнюнгден чыкъдынг.
- Эри аманны, къатыны – аман.
- Къонакъ кёб келюучю юйню, къазаны отдан тюшмез.
- Чабакъсыз кёлге къармакъ салгъанлыкъгъа, чабакъ тутмазса.
- Акъыл аздырмаз, билим тоздурмаз.
- Ашлыкъ – бюртюкден, джюн – тюкден.
- Кесине гебен этелмеген, биреуге черен эте эди.
- Адеб базарда сатылмаз.
- Ашхы болсанг, атынг чыгъар, аман болсанг, джанынг чыгъар.
- Ашхы тенг джолгъа салыр, аман тенг джолдан тайдырыр.
- Соргъан айыб тюлдю, билмеген айыбды.
- Азыкълы ат арымаз, къатыны аман джарымаз.
- Байлыкъ болгъан джерде, тынчлыкъ джокъду.
мёлекчикле
16.02.2012