Эльбрусоид :: Эльбрусоид

Джюрекге ариу – кёзге да ариу.
Джумушакъ сёз къаты таякъны сындырыр.
Кюн – узун, ёмюр – къысха.
Зарда марда джокъ.
Мухар, кеси тойса да, кёзю тоймаз.
Иши джокъну, сыйы джокъ.
Юй ишлеген балта эшикде къалыр.
Татлы сёз – балдан татлы.
Суу кетер, таш къалыр.
Эр абынмай, эл танымаз.
Къайгъы тюбю – тенгиз.
Ата Джуртун танымагъан, атасын да танымаз.
Кийим тукъум сордурур.
Бичгенде ашыкъма, тикгенде ашыкъ.
Айтханы чапыракъдан ётмеген.
Бал ашаргъа сюе эсенг, чибин ургъаннга тёз.
Уллу суу бла уллу ауруудан башынгы сакъла.
Этни бети бла шорпасы.
Мураты болгъанны джюрек тебюую башхады.
Этни да ашады, бетни да ашады.
Ач – эснер, ат – кишнер.
Aдам боллукъ, сыфатындан белгили.
Тай асырагъан, атха минер.
Ашыкъгъанны этеги бутуна чырмалыр.
Аманны тукъумуна къарама, игини тукъумун сорма.
Ишленмеген джаш – джюгенсиз ат, ишленмеген къыз – тузсуз хант.
Кёкдеги болмаса, джердегин кёрмейди.
Билмегенинги, билгеннге сор.
Джырчы джырчыгъа – къарнаш.
Минг тенг да азды, бир джау да кёбдю.
Дуния аламаты сен эсенг да, игиме деб айтма.
Телини эшигин, махтау джабар.
Суугъа – чабакъ, къаягъа – ыргъакъ.
Юреннген ауруу къалмаз.
Намыс болмагъан джерде, насыб болмаз.
Ётюрюкчюню шагъаты – къатында.
Аман адамны тепсинге олтуртсанг, къызынгы тилер.
Айыбны суу бла джууалмазса.
Биреуге аманлыкъ этиб, кесинге игилик табмазса.
Халкъны джырын джырласанг, халкъ санга эжиу этер.
Эртде тургъан бла эртде юйленнген сокъуранмаз.
Къонакъ аз олтурур, кёб сынар.
Джан саулукъ бермей, сан саулукъ бермезсе.
Джауумдан сора, кюн кюйдюрюр, ётюрюкден сора, айыб кюйдюрюр.
Намыс сатылыб алынмайды.
Накъырданы арты керти болур.
Эшекге миннген – биринчи айыб, андан джыгъылгъан – экинчи айыб.
Насыб бютеу халкъны юлюшюдю.
Миллетни бойну – базыкъ, аны бла кюрешген – джазыкъ.
Ойнаб айтсанг да, эслеб айт.