- Магъанасыз сёз – тауушсуз сыбызгъы.
- Сабийни джумушха джибер да, ызындан бар.
- Аш берме да, къаш бер.
- Биреу ашаб къутулур, биреу джалаб тутулур.
- Биреу къой излей, биреу той излей.
- Джарлы джети элни сёзюн этер.
- Сууда джау джокъ, кёб сёзде магъана джокъ.
- Ёксюзню къалачы уллу кёрюнюр.
- От этилмеген джерден тютюн чыкъмайды.
- Татлы тилде – сёз ариу, чемер къолда – иш ариу.
- Тилчи тилден къаныкъмаз.
- Кеси юйюмде мен да ханма.
- Биреуге аманлыкъ этиб, кесинге игилик табмазса.
- Туз, гырджын аша, тюзлюк бла джаша.
- Айырылмаз джууугъунга, унутмаз сёзню айтма.
- Алгъанда – джууукъ, бергенде – джау.
- Кёлю джокъну – джолу джокъ.
- Орундукъ тюбюнде атылсам да, орта джиликме, де да айлан.
- Билим – акъылны чырагъы.
- Намыс сатылыб алынмайды.
- Кёпюр салгъан кеси ётер, уру къазгъан кеси кетер.
- Ашыкъгъанны этеги бутуна чырмалыр.
- Сёз – кюмюш, джыр – алтын.
- Ач къарынны, токъ билмез
- Джеринден айырылгъан – джети джылар, джуртундан айырылгъан – ёлгюнчю джылар.
- Иесиз малны бёрю ашар.
- Тёрде – темир таякълы, къаяда – чыпчыкъ аякълы.
- Ётюрюк хапар аякъ тюбю бла джюрюйдю.
- Онгсузну – джакъла, тенгликни – сакъла.
- Алтыда кюлмеген, алтмышда кюлмез.
- Хаухну атма, ёнгкючню сатма.
- Сыфатында болмагъаны, суратында болмаз.
- Арыгъан къош чамчы болур.
- Эки итни арасына сюек атма, эки адамны арасында сёз чыгъарма.
- Мени джылытмагъан кюн, меннге тиймесин!
- Хар адамгъа кеси миннген тау кибик.
- Тёрени джагъы джокъ.
- Джогъун бар этген, барын бал этген.
- Къуру гыбыт бек дыгъырдар.
- Рысхы – насыбха къор.
- Башынга джетмегенни сорма.
- Хар ишни да аллы къыйынды.
- Сабий кёргенин унутмаз.
- Мал ёлсе, сюек къалыр, адам ёлсе, иши къалыр.
- Тилде сюек болмаса да, сюек сындырыр.
- Уллу сёзде уят джокъ.
- Ишни аллы бла къууанма да, арты бла къууан.
- Аякъларынгы джууургъанынга кёре узат.
- Ашда уялгъан – мухар, ишде уялгъан – хомух.
- Кийим тукъум сордурур.
мёлекчикле
16.02.2012