- Тулпарлыкъ, билекден тюл – джюрекден.
- Ёнгкюч къууана барыр, джылай келир.
- Ата – билек, ана – джюрек!
- Эшекге миннген – биринчи айыб, андан джыгъылгъан – экинчи айыб.
- Сабийни джумушха джибер да, ызындан бар.
- Сёлеш деб шай берген, тохта деб, сом берген.
- Акъдан къара болмаз.
- Аш берме да, къаш бер.
- Къазанны башы ачыкъ болса, итге уят керекди.
- Сёз къанатсыз учар.
- Аман адамны тепсинге олтуртсанг, къызынгы тилер.
- Джашынгы кесинг юретмесенг, джашау юретир.
- Хар зат кесини орнуна иги.
- Эки итни арасына сюек атма, эки адамны арасында сёз чыгъарма.
- Ариу сёзде ауруу джокъ.
- Эл элде бирер малынг болгъандан эсе, бирер тенгинг болсун.
- Бек ашыкъгъан меннге джетсин, дегенди аракъы.
- Бозаны арты дауур болур.
- Эл ауузу – элия.
- Дуния малгъа сатылма, кесингден телиге къатылма.
- Суу ичген шауданынга тюкюрме.
- Абынмазлыкъ аякъ джокъ, джангылмазлыкъ джаякъ джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Келинин тута билмеген, къул этер, къызын тута билмеген, тул этер.
- Ашына кёре табагъы, балына кёре къалагъы.
- Къарнынг ауруса, ауузунгу тый
- Тенги кёбню джау алмаз, акъылы кёбню дау алмаз.
- Ачыкъ джюрекге джол – ачыкъ.
- Ашарыкъда сайлагъаннга – чий гырджын.
- Къалгъан ишге къар джауар.
- Къонакъ аман болса, къонакъбай джунчур
- Юйлю уругъа ит чабмаз.
- Джолда аягъынга сакъ бол, ушакъда тилинге сакъ бол.
- Айтхан – тынч, этген – къыйын.
- Кесинг сынамагъан затны, адамгъа буюрма.
- Джаханимни кёрмей, джандетге кёл салмазса.
- Шапа кёб болса, аш татымсыз болур.
- Минг тенг да азды, бир джау да кёбдю.
- Къарнынг бла ёч алма.
- Байны оноуу, джарлыгъа джарамаз.
- Таукелге нюр джауар.
- Кёб ант этген, кёб ётюрюк айтыр.
- Сескекли кесин билдирир.
- Ёлген ийнек сютлю болур.
- Тилчи бир сагъатха айлыкъ хата этер.
- Къарыусузгъа кюлме, онгсузгъа тийме.
- Гитче джилтин уллу элни джандырыр.
- Эли джокъну – кёлю джокъ.
- Уллу сёлешме да, уллу къаб.
- Къолунгдан къуймакъ ашатсанг да, атаны борчундан къутулмазса.
мёлекчикле
16.02.2012