- Минг тенг да азды, бир джау да кёбдю.
- Тулпарлыкъ, билекден тюл – джюрекден.
- Аманнга алтын чыдамаз.
- Биреуге кёлтюрген таягъынг, кесинги башынга урур.
- Бойнуму джети джерден кессенг да, мен ол ишни этеллик тюлме.
- Шекер бла туз – бир болмаз, ушамагъан – юй болмаз.
- Байны оноуу, джарлыгъа джарамаз.
- Ата – билек, ана – джюрек!
- Нарт сёз – тилни бети.
- Акъдан къара болмаз.
- Къонакъ кёб келюучю юйню, къазаны отдан тюшмез.
- Сагъыш – къартлыкъгъа сюйюмчю.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эрине къаргъыш этген къатын, эрнин къабар.
- Садакъачыны джаны – къапчыгъында.
- Адамны аты башхача, акъылы да башхады.
- Чалманны аллы къалай башланса, арты да алай барады.
- Билеги кючлю, бирни джыгъар, билими кючлю, мингни джыгъар.
- Джашда акъыл джокъ, къартда къарыу джокъ.
- Окъугъан озар, окъумагъан тозар.
- Тили узунну, намысы – къысха.
- Джерни букъусу кёкге къонмаз.
- Аманны тукъумуна къарама, игини тукъумун сорма.
- Чакъырылмагъан къонакъ – орунсуз.
- Хар адамгъа кеси миннген тау кибик.
- Аманнга игилик этсенг, юйюнге сау бармазса.
- Ишге юренсин къоллары, халкъ бла болсун джоллары.
- Этим кетсе да, сюегим къалыр.
- Ариу сёз джыланны орнундан чыгъарыр.
- Ауурну тюбю бла, дженгилни башы бла джюрюген.
- Кесинге джетмегенни, кёб сёлешме.
- Сескекли кесин билдирир.
- Таш бла ургъанны, аш бла ур.
- Суугъа – чабакъ, къаягъа – ыргъакъ.
- Нафысынгы айтханын этме, намысынгы айтханын эт.
- Иги джашны ышаны – аз сёлешиб, кёб тынгылар.
- Ашына кёре табагъы, балына кёре къалагъы.
- Душманны тышы – акъ, ичи – къара.
- Ачыу алгъа келсе, акъыл артха къалады.
- Гитче джилтин уллу элни джандырыр.
- Арба аугъандан сора, джол кёргюзтюучю кёб болур.
- Окъумагъан сокъурду, сокъур ташха абыныр!
- Сёлеш деб шай берген, тохта деб, сом берген.
- Сормай – алма, чакъырылмай – барма.
- Ашын ашагъанынгы, башын да сыйла.
- Кимни – тили, тиши онглу, кимни – къолу, иши онглу.
- Мухар, кеси тойса да, кёзю тоймаз.
- Ётген ёмюр – акъгъан суу.
- Тойгъан джерден туугъан джер игиди.
- Халкъны юйю – туугъан джери.
мёлекчикле
16.02.2012