- Чомарт къолда мал къалмаз.
- Къарны аманнга къазан такъдырма, къолу аманнга от джакъдырма.
- Джаным-тиним – окъуу, билим.
- Адеби болмагъан къыз – тузсуз хант.
- Ёлюр джаннга, ёкюл джокъ.
- Иги адамны бир сёзю эки болмаз.
- Ач да бол, токъ да бол – намысынга бек бол.
- Ёгюзню мюйюзлери ауурлукъ этмейдиле.
- Ишлегенден, къарагъан уста.
- Ауругъанны сау билмез, ач къарынны токъ билмез.
- Джолунга кёре – джюрюшюнг, джагъанга кёре – юлюшюнг.
- Джарлыны эшигин махтагъан джабар.
- Суу кетер, таш къалыр.
- Хар адамгъа кеси миннген тау кибик.
- Ашхылыкъ джерде джатмайды, аманлыкъ суугъа батмайды.
- Юйлю уругъа ит чабмаз.
- Къатыны харакетли болса, эри къымсыз болур.
- Ёлюк кебинсиз къалмаз.
- Юреннген ауруу къалмаз.
- Сабыр джетер муратха, сабырсыз къалыр уятха.
- Aдам боллукъ, сыфатындан белгили.
- Биреуге кёлтюрген таягъынг, кесинги башынга урур.
- Чакъырылмагъан къонакъ къачан кетерин сормаз.
- Ата Джуртча джер болмаз, туугъан элча эл болмаз.
- Аууздан келген, къолдан келсе, ким да патчах болур эди.
- Ашхы болсанг, атынг чыгъар, аман болсанг, джанынг чыгъар.
- Халкъгъа джарагъан, джарлы къалмаз.
- Таш ата билмеген, башына урур.
- Ишин билген, аны сыйын чыгъарады.
- Терек ауса, отунчу – кёб.
- Берекет берсин деген джерде, берекет болур.
- Мадар болса, къадар болур.
- Билген билмегенни юретген адетди.
- Джети тилни билген джети кишиди.
- Тойчу джашха къарама, къойчу джашха къара.
- Тойгъанлыкъ къойгъа джарашады.
- Тюзлюк тас болмайды.
- Ашарыкъда сайлагъаннга – чий гырджын.
- Аджал соруб келмез, келсе, къайтыб кетмез.
- Аз сёлеш, кёб ишле.
- Ауругъаннга – кийик саулукъ, джетген къызгъа – чилле джаулукъ.
- Тил – кесген бычакъ, сёз – атылгъан окъ.
- Къолунгдан къуймакъ ашатсанг да, атаны борчундан къутулмазса.
- Эркишиге тары кебек танг кёрюнюр.
- Ким бла джюрюсенг, аны кёзю бла кёрюнюрсе.
- Оюмсуз атлагъан, аджалсыз ёлюр.
- Зар адамны насыбы болмаз.
- Сабий кёргенин унутмаз.
- Рысхы джалгъанды: келген да этер, кетген да этер.
- Къан бла кирген, джан бла чыгъар.
мёлекчикле
16.02.2012