- Чалманны аллы къалай башланса, арты да алай барады.
- Борчунг бар эсе, хурджунунга ойлаб узал.
- Ана къолу ачытмаз.
- Ушамагъан – джукъмаз.
- Тиширыусуз юй – отсуз от джагъа.
- Ат да турмайды бир териде.
- Ачлыкъда тары гырджын халыуадан татлы.
- Тура эдим джата, къайдан чыкъды хата?
- Джарлы эскисин джамаса, къууаныр.
- Эки итни арасына сюек атма, эки адамны арасында сёз чыгъарма.
- Келинин тута билмеген, къул этер, къызын тута билмеген, тул этер.
- Бир онгсуз адам адет чыгъарды, деб эштирик тюлсе.
- Ёлюк кебинсиз къалмаз.
- Азыкълы ат арымаз, къатыны аман джарымаз.
- Кёлю джокъну – джолу джокъ.
- Джогъун бар этген, барын бал этген.
- Эртде тургъан джылкъычыны эркек аты тай табар.
- Олтуруб кёрюнмей эди да, ёрге туруб кёрюне эди.
- Тили узунну, намысы – къысха.
- Ашлыкъны арба юйге келтирир, чана базаргъа элтир.
- Байма, деб да, къууанма, джарлыма, деб да, джылама.
- Ишленмеген джаш – джюгенсиз ат, ишленмеген къыз – тузсуз хант.
- Тенгинг джокъ эсе – изле, бар эсе – сакъла!
- Ханнга да келеди хариблик.
- Къаллай салам берсенг, аллай джууаб алырса.
- Онгсузну – джакъла, тенгликни – сакъла.
- Сууда джау джокъ, кёб сёзде магъана джокъ.
- Татлы сёз – балдан татлы.
- Хар ишни да аллы къыйынды.
- Аманны къуугъан, аманлыкъ табар.
- Башынга джетмегенни сорма.
- Эрине къаргъыш этген къатын, эрнин къабар.
- Ауругъаннга – кийик саулукъ, джетген къызгъа – чилле джаулукъ.
- Бети бедерден, намыс сакълама.
- Ата Джуртча джер болмаз, туугъан элча эл болмаз.
- Тюз сёз баргъан сууну тыяр.
- Бермеген къол, алмайды.
- Кёпюр салгъан кеси ётер, уру къазгъан кеси кетер.
- Биреу къой излей, биреу той излей.
- Адам сёзюнден белгили.
- Тели турса – той бузар.
- Тешик этген тынчды, аны джамагъан къыйынды.
- Суу да къайтады чыкъгъан джерине.
- Тёрде – темир таякълы, къаяда – чыпчыкъ аякълы.
- Узун джолну барсанг, бюгюн келирсе, къысха джолну барсанг, тамбла келирсе.
- Игиге айтсанг – билир, аманнга айтсанг – кюлюр.
- Окъугъан – асыу, окъумагъан – джарсыу.
- Баш – акъыл ючюн, акъылман – халкъ ючюн.
- Таула не мийик болсала да, аууш табылыр.
- Бозаны арты дауур болур.
мёлекчикле
16.02.2012