Эльбрусоид :: Эльбрусоид

Насыблы элин сюер, насыбсыз кесин сюер.
Миллетни бойну – базыкъ, аны бла кюрешген – джазыкъ.
Къарны аманнга къазан такъдырма, къолу аманнга от джакъдырма.
Кесинг сынамагъан затны, адамгъа буюрма.
Бети бедерден, намыс сакълама.
Махтаннган къыз, тойда джукълар.
Къыз чыгъаргъан – къызыл къымжа.
Джаралыны джастыгъында сау ёлюр.
Ашыкъгъан cуу, тенгизге джетмез.
Дуния малгъа сатылма, кесингден телиге къатылма.
Къарнынг тойгъунчу аша да, белинг талгъынчы ишле.
Джюрекге ариу – кёзге да ариу.
Суу да къайтады чыкъгъан джерине.
Юре билмеген ит, къонакъ келтирир.
Юйюнг бла джау болгъандан эсе, элинг бла джау бол.
Джырчы джырчыгъа – къарнаш.
Элде адам къалмаса, ит тахтагъа минер.
Эри аманны, къатыны – аман.
Тас болгъан бычакъны сабы – алтын.
Джашны джигитлиги сорулур, къызны джигерлиги сорулур.
Тенги кёбню джау алмаз, акъылы кёбню дау алмаз.
Ишге юренсин къоллары, халкъ бла болсун джоллары.
Адамны сыфатына къарама, сёзюне къара.
Ёлюр джаннга, ёкюл джокъ.
Игилик игилик бла сингдирилиучю затды.
Ашлыкъ – бюртюкден, джюн – тюкден.
Джахил болса анасы, не билликди баласы?
Къар – келтирди, суу – элтди.
Акъыллы – эл иеси, тели – эл баласы.
Адамны аманы адамны бети бла ойнар.
Ётюрюкден тюбю джокъ, кёлтюрюрге джиби джокъ.
Джолунга кёре – джюрюшюнг, джагъанга кёре – юлюшюнг.
Ашатыргъа иш – ашхы, ишлетирге аш – ашхы.
Таукелге нюр джауар.
Адам сёзюнден белгили.
Тил – кесген бычакъ, сёз – атылгъан окъ.
Кесине оноу эте билмеген, халкъына да эте билмез.
Насыб бютеу халкъны юлюшюдю.
Кесинге джетмегенни, кёб сёлешме.
Татлы тилде – сёз ариу, чемер къолда – иш ариу.
Ханнга да келеди хариблик.
Борчунг бар эсе, хурджунунга ойлаб узал.
Къозулугъунда тоймагъан, къойлугъунда тоймаз.
Соргъан айыб тюлдю, билмеген айыбды.
Оюмсуз атлагъан, аджалсыз ёлюр.
Чабакъ башындан чирийди.
Ашыкъгъанны этеги бутуна чырмалыр.
Къумурсхала джыйылсала, пилни да джыгъадыла.
Кёл ашады да, кеси ашады.
Байлыкъдан саулукъ ашхыды.