Эльбрусоид :: Эльбрусоид

Асхат ашлыкъ сата, юйдегиси ачдан къата.
Билмегенинги, билгеннге сор.
Ач келгенни – тойдур, кеч келгенни – къондур.
Джолда аягъынга сакъ бол, ушакъда тилинге сакъ бол.
Иги адамны бир сёзю эки болмаз.
Тели турса – той бузар.
Тамырсыз терекге таянма – джыгъылырса.
Ана – юйню кюн джарыгъы.
От кюйдюрген, сау болса да, тот кюйдюрген, сау болмаз.
Урама да – ёледи, сатама да – келеди.
Джангызны оту джарыкъ джанмаз!
Адамны сабийин сюйген джюреги, бычакъча, джитиди.
Адамны сыфатына къарама, сёзюне къара.
Джарашыу сюйген – джалынчакъ.
Ашлыкъны арба юйге келтирир, чана базаргъа элтир.
Айтылгъан буйрукъ, сёгюлмез
Акъдан къара болмаз.
Юйюнг бла джау болгъандан эсе, элинг бла джау бол.
Джырына кёре эжиую.
Алма терегинден кери кетмез.
Адеб базарда сатылмаз.
Къаллай салам берсенг, аллай джууаб алырса.
Башсыз урчукъ тюзюне айланмаз.
Тойну къарнашы – харс, джырны къарнашы – эжиу.
Къарны аманнга къазан такъдырма, къолу аманнга от джакъдырма.
Аллахха ийнаннган кишини, Аллах онгдурур ишин.
Ойнай билмеген, оюн бузар.
Тёгюлген тюгел джыйылмайды.
Итли къонакъ джарашмаз.
Сыфатында болмагъаны, суратында болмаз.
Джаханимни кёрмей, джандетге кёл салмазса.
Джаш къарыу бла кючлю, къарт акъыл бла кючлю.
Тойгъа барсанг, тоюб бар, эски тонунгу къоюб бар.
Сормай – алма, чакъырылмай – барма.
Бир онгсуз адам адет чыгъарды, деб эштирик тюлсе.
Баш болса, бёрк табылыр.
Бек ашыкъгъан меннге джетсин, дегенди аракъы.
Тойгъандан сора, ашны сёкме.
Ач отунчуну ачыуу – бурнунда.
Ата Джуртуму башы болмасам да, босагъасында ташы болайым.
Джашда акъыл джокъ, къартда къарыу джокъ.
Джырчы ёлсе, джыры къалыр.
Кёбге таш атма.
Окъуусуз билим – джокъ, билимсиз кюнюнг – джокъ.
Экеу тутушса, биреу джыгъылыр.
Тура эдим джата, къайдан чыкъды хата?
Ёксюзню къалачы уллу кёрюнюр.
Узун джолну барсанг, бюгюн келирсе, къысха джолну барсанг, тамбла келирсе.
Адамны аты башхача, акъылы да башхады.
Эл ауузу – элек, анга ийнаннган – халек.