Эльбрусоид :: Эльбрусоид

Кенгеш болса, уруш болмаз.
Сютню башын джалагъан къутулур, тюбюн ичген тутулур.
Къатын байлыкъны сюер, эр саулукъну сюер.
Кирсизни – саны таза, халалны – къаны таза.
Кечеси – аяз, кюню – къыш, джарлы къаргъагъа бир аш тюш!
Ётюрюкню башын керти кесер.
Адам сёзюнден белгили.
Тюз сёз баргъан сууну тыяр.
Кёл ашады да, кеси ашады.
Уллу сёлешме да, уллу къаб.
Сакъламагъан затынга джолукъсанг, не бек къууанаса, не бек ачыйса.
Джашда акъыл джокъ, къартда къарыу джокъ.
Акъдан къара болмаз.
Элде адам къалмаса, ит тахтагъа минер.
Къулакъдан эсе, кёзге ышан.
Къазанда болса, чолпугъа чыгъар.
Джырчы ёлсе, джыры къалыр.
Сёз садакъдан кючлюдю.
Зар адамны насыбы болмаз.
Адеб джокъда, намыс джокъ.
Уллу сёзде уят джокъ.
Ёксюзню тилеги къабыл болур.
Атынг аманнга чыкъгъандан эсе, джанынг тамагъынгдан чыкъсын.
Юре билмеген ит, къонакъ келтирир.
Ётюрюкден тюбю джокъ, кёлтюрюрге джиби джокъ.
Уллу къашыкъ эрин джыртар.
Къоркъакъны кёзю экили кёрюр.
Адебсиз адам – джюгенсиз ат.
Тик ёргени, тик энгишгеси да болады.
Ач отунчуну ачыуу – бурнунда.
Джюрекден джюрекге джол барды.
Эл бла кёргенинг эрелей.
Ичимден чыкъды хата, къайры барайым сата?
Къан бла кирген, джан бла чыгъар.
Ёгюзню мюйюзюнден тутадыла, адамны сёзюнден тутадыла.
Аш иеси бла татлыды.
Сабийликде юретмесенг, уллу болса – тюзелмез.
Тынгылагъан тынгы бузар.
Байны оноуу, джарлыгъа джарамаз.
Уллу къазанда бишген эт, чий къалмаз.
Таула не мийик болсала да, аууш табылыр.
Хар адамгъа кеси миннген тау кибик.
Дууулдаса – бал чибин, къонса – къара чибин.
Арпа, будай – ащды, алтын, кюмюш а – ташды.
Ата Джуртча джер болмаз, туугъан элча эл болмаз.
Билими азны – ауузунда кирит.
Тилсиз миллет джокъ болур.
Джетген къыз джерли эшекни танымаз.
Ариу джол аджал келтирмез.
Къарт бла баш аша, джаш бла аякъ аша.