- Къонакъ хазыр болгъанлыкъгъа, къонакъбай хазыр тюлдю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аманны къуугъан, аманлыкъ табар.
- Керти сёзге тёре джокъ.
- Ёзденликни кёбю ётюрюк.
- Сабий кёргенин унутмаз.
- Нафысынгы айтханын этме, намысынгы айтханын эт.
- Телиге от эт десенг, юйюнге от салыр.
- Къонакъ аз олтурур, кёб сынар.
- Кёзюнде тереги болгъан, чёбю болгъаннга кюле эди.
- Тойгъа алгъа да барма, тойда артха да къалма.
- Къалгъан ишге къар джауар.
- Ётюрюкден тюбю джокъ, кёлтюрюрге джиби джокъ.
- Дженгил джетерикме деб, узун джолну къоюб, къысхасын барма.
- Айтылгъан сёз ызына къайтмаз.
- Бойнуму джети джерден кессенг да, мен ол ишни этеллик тюлме.
- Байма, деб да, къууанма, джарлыма, деб да, джылама.
- Джарлыны эшигин махтагъан джабар.
- Алим болгъандан эсе, адам болгъан къыйынды.
- Соргъан айыб тюлдю, билмеген айыбды.
- Ишлерге уял да, ашаргъа табма.
- Чоюнну башы ачыкъ болса, итге уят керекди.
- Аш хазыр болса, иш харам болур.
- Бермеген къол, алмайды.
- Тойну къарнашы – харс, джырны къарнашы – эжиу.
- Къулакъдан эсе, кёзге ышан.
- Эл тойса, тоймагъан, эл къойса, къоймагъан.
- Чомарт бергенин айтмаз.
- Тойгъанлыкъ къойгъа джарашады.
- Тенгинг джокъ эсе – изле, бар эсе – сакъла!
- Зар адамны насыбы болмаз.
- Окъ къызбайны джокълайды.
- Элни кючю – эмеген.
- Ёлген аслан – сау чычхан.
- Джыйырма къойну юч джыйырма эбзе кюте эди.
- Тин – байлыгъынг, терен саулугъунг.
- Адам боллукъ, атламындан белгили болур.
- Акъыл сабырлыкъ берир.
- Джаралыны джастыгъында сау ёлюр.
- Мал тутхан – май джалар.
- Билген билмегенни юретген адетди.
- Адамны артындан къара сабан сюрме.
- Тойгъандан сора, ашны сёкме.
- Къайгъыны сюйген, къайгъы табар.
- Тойчу джашха къарама, къойчу джашха къара.
- Кесинге джетмегенни, кёб сёлешме.
- Эки къатын алгъанны къулагъы тынгнгаймаз.
- Ана къолу ачытмаз.
- Сакъламагъан затынга джолукъсанг, не бек къууанаса, не бек ачыйса.
- Аман хансны – урлугъу кёб.
мёлекчикле
16.02.2012