- Ачыу алгъа келсе, акъыл артха къалады.
- Сютню башын джалагъан къутулур, тюбюн ичген тутулур.
- Арбаз къынгырды да, ийнек сауалмайма.
- Акъыллы эркиши атын махтар, акъылсыз эркиши къатынын махтар.
- Эски джаугъа ышанма.
- Тиширыусуз юй – отсуз от джагъа.
- Кюл тюбюндеги от кёрюнмейди.
- Азыкълы ат арымаз, къатыны аман джарымаз.
- Ёнгкюч къууана барыр, джылай келир.
- Мухарны эси – ашарыкъда.
- Иши джокъну, сыйы джокъ.
- Ариуну – ауруу кёб.
- Акъыл сабырлыкъ берир.
- Арыгъан къош чамчы болур.
- Тёгюлген тюгел джыйылмайды.
- Кёлсюзден сёзсюз тууар.
- Окъугъанны бети джарыкъ.
- Адамгъа аман кюн соруб келмейди.
- Джолда аягъынга сакъ бол, ушакъда тилинге сакъ бол.
- Иги адам абынса да, джангылмаз.
- Кесинге джетмегенни, кёб сёлешме.
- Джаз бир кюнню джатсанг, къыш талай кюнню абынырса.
- Экеулен сёлеше тура эселе, орталарына барыб кирме.
- Адам туугъан джеринде, ит тойгъан джеринде.
- Джан саулукъ бермей, сан саулукъ бермезсе.
- Джукъу тёшек сайламайды.
- Абынмазлыкъ аякъ джокъ, джангылмазлыкъ джаякъ джокъ.
- Эл тойса, тоймагъан, эл къойса, къоймагъан.
- Миллетни бойну – базыкъ, аны бла кюрешген – джазыкъ.
- Тилде сюек болмаса да, сюек сындырыр.
- Аууз сакълагъан – джан сакълар.
- Кийим тукъум сордурур.
- Къонакъ аз олтурур, кёб сынар.
- Гырджын – тепсини тамадасы.
- Айырылмаз джууугъунга, унутмаз сёзню айтма.
- Экиндини кеч къылсанг, чабыб джетер ашхам.
- Адамны адамлыгъы къыйынлыкъда айгъакъланады.
- Къайгъыны сюйген, къайгъы табар.
- Башы ишлегенни, ауузу да ишлер.
- Адам сёзюнден белгили.
- Орну джокъну – сыйы джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Чабакъ башындан чирийди.
- Харам къарнашдан, халал тенг ашхы.
- Соргъан айыб тюлдю, билмеген айыбды.
- Билим насыб берир, билим джолну керир.
- Агъач халкъгъа алтынды, иссиликге салкъынды.
- Акъыл бла адеб эгизледиле.
- Душманны тышы – акъ, ичи – къара.
- Нёгер болсанг, тенг бол, тенг болмасанг, кенг бол.
мёлекчикле
16.02.2012