Эльбрусоид :: Эльбрусоид

Байдан умут эте, джарлыдан ёгюз багъасы къорады.
Аман хансны – урлугъу кёб.
Мухар, кеси тойса да, кёзю тоймаз.
Кёб джашагъан – кёб билир.
Хар сёзню орну барды.
Экиндини кеч къылсанг, чабыб джетер ашхам.
Сормай – алма, чакъырылмай – барма.
Джахил болса анасы, не билликди баласы?
Билмейме деген – бир сёз
Ашына кёре табагъы, балына кёре къалагъы.
Кесине гебен этелмеген, биреуге черен эте эди.
Тамырсыз терекге таянма – джыгъылырса.
Мени джылытмагъан кюн, меннге тиймесин!
Ата Джуртуму башы болмасам да, босагъасында ташы болайым.
Сибиртки да сыйлы болду, кюрек да кюнлю болду.
Тюз сёз баргъан сууну тыяр.
Бетинги сатма, малынгы сат.
Ётюрюкчюню шагъаты – къатында.
Таякъ этден ётер, тил сюекден ётер.
Баш – акъыл ючюн, акъылман – халкъ ючюн.
Кютгени беш эчки, сызгъыргъаны уа, джерни джарады.
Аш берме да, къаш бер.
Ашыкъгъанны этеги бутуна чырмалыр.
Ёлген ийнек сютлю болур.
Къонакъ кёб келюучю юйню, къазаны отдан тюшмез.
Чакъырылмай келген къонакъ сыйланмай кетер.
Нарт сёз – тилни бети.
Ауурну тюбю бла, дженгилни башы бла джюрюген.
Ишин билген, аны сыйын чыгъарады.
Адеб базарда сатылмаз.
Адамны джюреги нени кёрюрге сюйсе, кёзю да аны кёрюрге ёч болады.
Джылыгъа джылан илешир.
Байлыкъ келсе, акъыл кетер.
Къыз чыгъаргъан – къызыл къымжа.
Тилсиз миллет джокъ болур.
Ёксюзню тилеги къабыл болур.
Суу ичген шауданынга тюкюрме.
Кёл – къызбай, къол – батыр.
Таш бла ургъанны, аш бла ур.
Эки ойлашыб, бир сёлешген.
Мадар болса, къадар болур.
Тамбла алтындан бюгюн багъыр ашхы.
Намысы джокъну – дуниясы джокъ.
Ёмюрлюк шохлукъну джел элтмез.
Кийимни бичсенг, кенг бич, тар этген къыйын тюлдю.
Агъач – джерни чырайы, кийим – эрни чырайы.
Джюрекден джюрекге джол барды.
Аман киши кеси юйюнде – къонакъ.
Таугъа чыгъаллыкъ эсенг, тюзде къалма.
Ашхы атаны – джашы ашхы, ашхы ананы – къызы ашхы.