- Итли къонакъ джарашмаз.
- Атлыны ашхысы, ат тизгининден билинир
- Бозанг болмагъан джерге, къалагъынгы сукъма.
- Арбаз сайлама да, хоншу сайла.
- Узун джолну барсанг, бюгюн келирсе, къысха джолну барсанг, тамбла келирсе.
- Айраннга суу къош, телиге джол бош.
- Къошда джокъгъа – юлюш джокъ.
- Ачылгъан эт джабылыр, кёрген кёз унутмаз.
- Махтаннган къыз, тойда джукълар.
- Иги болса, тамадама – махтау, аман болса, меннге – айыб.
- Кёбден умут этиб, аздан къуру къалма.
- Кёл ашады да, кеси ашады.
- Мал кёб болса, джууукъ кёб болур.
- Тойгъан джерден туугъан джер игиди.
- Ауругъаннга – кийик саулукъ, джетген къызгъа – чилле джаулукъ.
- Эллинг бла джау болсанг да, юйюнг бла джау болма.
- Булут кёкге джарашыу, уят бетге джарашыу.
- Кесине гебен этелмеген, биреуге черен эте эди.
- Кечеси – аяз, кюню – къыш, джарлы къаргъагъа бир аш тюш!
- Сёз сёзню айтдырыр.
- Ашхы сёз таш тешер.
- Бек анасы джыламаз.
- Келинин тута билмеген, къул этер, къызын тута билмеген, тул этер.
- Аманнга алтын чыдамаз.
- Эки къатын алгъан – эки ташны ортасына башын салгъан.
- Эр сокъур болсун, къатын тилсиз болсун.
- Къонакъ аман болса, къонакъбай джунчур
- Акъыл сабырлыкъ берир.
- Тура эдим джата, къайдан чыкъды хата?
- Джылар джаш, атасыны сакъалы бла ойнар.
- Чомартха хар кюн да байрамды.
- Джумушакъ сёз къаты таякъны сындырыр.
- Тойгъанлыкъ къойгъа джарашады.
- Намысы джокъну – дуниясы джокъ.
- Акъдан къара болмаз.
- Аман адамны тепсинге олтуртсанг, къызынгы тилер.
- Хунаны тюбюн къазсанг, юсюнге ауар.
- Намысы болмагъанны, сыйы болмаз.
- Джарашыу сюйген – джалынчакъ.
- Ишлегенде эринме, ишде чолакъ кёрюнме.
- Бичгенде ашыкъма, тикгенде ашыкъ.
- Ач къарным, тынч къулагъым.
- Ишге юренсин къоллары, халкъ бла болсун джоллары.
- Ёлген эшек бёрюден къоркъмайды.
- Акъылсызны джууукъгъа алма, акъыллыны кенгнге салма.
- Къайгъы тюбю – тенгиз.
- Алим болгъандан эсе, адам болгъан къыйынды.
- От кюйдюрген, сау болса да, тот кюйдюрген, сау болмаз.
- Джан саулукъ бермей, сан саулукъ бермезсе.
- Экеу тутушса, биреу джыгъылыр.
мёлекчикле
16.02.2012