- Арбаз къынгырды да, ийнек сауалмайма.
- Айырылгъанланы айю ашар, бёлюннгенлени бёрю ашар.
- Чабакъсыз кёлге къармакъ салгъанлыкъгъа, чабакъ тутмазса.
- Сёз сёзню айтдырыр.
- Сагъышы джокъ – джукъучу, акъылы джокъ – къаугъачы.
- Джолда аягъынга сакъ бол, ушакъда тилинге сакъ бол.
- Акъыл бла адеб эгизледиле.
- Кёзню ачылгъаны – иги, ауузну джабылгъаны – иги.
- Кюн кёрмеген, кюн кёрсе, кюндюз чыракъ джандырыр.
- Урама да – ёледи, сатама да – келеди.
- Сакъламагъан затынга джолукъсанг, не бек къууанаса, не бек ачыйса.
- Джарлы тюеге минсе да, ит къабар.
- Айтханы чапыракъдан ётмеген.
- Къартны бурнун сюрт да, оноугъа тут.
- Джаш болсун, къыз болсун, акъылы, саны тюз болсун.
- Аджал соруб келмез, келсе, къайтыб кетмез.
- Эрине къаргъыш этген къатын, эрнин къабар.
- Эринчекни аурууу – кёб.
- Баш – акъыл ючюн, акъылман – халкъ ючюн.
- Бетинги сатма, малынгы сат.
- Ауузу аманнга «иги», деме.
- Акъыллы – эл иеси, тели – эл баласы.
- Къулакъдан эсе, кёзге ышан.
- Ач отунчуну ачыуу – бурнунда.
- Ач да бол, токъ да бол – намысынга бек бол.
- Джуртун къоругъан озар.
- Терслик кетер, тюзлюк джетер.
- Кёл ашады да, кеси ашады.
- Накъырданы арты керти болур.
- Ёзденликни джайгъан – джокълукъ.
- Биреуню къыйынлыгъы бла кесинге джол ишлеме.
- Джашлыкъ этмеген, башлыкъ этмез.
- Юйюнгден чыкъдынг – кюнюнгден чыкъдынг.
- Акъыл къартда, джашда тюйюлдю – башдады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Душманны тышы – акъ, ичи – къара.
- Ата Джуртча джер болмаз, туугъан элча эл болмаз.
- Кёбге таш атма.
- Къызын тута билмеген, тул этер, джашын тута билмеген, къул этер.
- Мураты болгъанны джюрек тебюую башхады.
- Чалманны аллы къалай башланса, арты да алай барады.
- Къайгъы тюбю – тенгиз.
- Минг тенг да азды, бир джау да кёбдю.
- Эртде тургъан джылкъычыны эркек аты тай табар.
- Атадан ёксюз – бир ёксюз, анадан ёксюз – эки ёксюз.
- Байлыкъ адамны сокъур этер.
- Тёрдеги кюлсе, эшикдеги ышарыр.
- Джырчы джырчыгъа – къарнаш.
- Чыбыкълыкъда бюгюлмеген, къазыкълыкъда бюгюлмей эди.
- Бети – къучакълар, джюреги – бычакълар.
мёлекчикле
16.02.2012