- Тойну къарнашы – харс, джырны къарнашы – эжиу.
- Аллахдан тилесенг, кёб тиле.
- Аякъларынгы джууургъанынга кёре узат.
- Элге къуллукъ этмеген, элге ие болмаз.
- Къаллай салам берсенг, аллай джууаб алырса.
- Къызгъанчдан ычхыныр, мухардан ычхынмаз.
- Агъач – джерни чырайы, кийим – эрни чырайы.
- Ач къарным, тынч къулагъым.
- Алтыда кюлмеген, алтмышда кюлмез.
- Бети бедерден, намыс сакълама.
- Алим болгъандан эсе, адам болгъан къыйынды.
- Кёз – сюйген джерде, къол – ауругъан джерде.
- Элни кючю – эмеген.
- Джогъун бар этген, барын бал этген.
- Джарашыу сюйген – джалынчакъ.
- Къонакъ болсанг, ийнакъ бол.
- Айырылмаз джууугъунга, унутмаз сёзню айтма.
- Болджал ишни бёрю ашар.
- Къалгъан ишге къар джауар.
- Эшекни не къадар тюйсенг да, ат болмаз.
- Джашынгы кесинг юретмесенг, джашау юретир.
- Акъыл къартда, джашда тюйюлдю – башдады.
- Кийимни бир кюнню аясанг, минг кюннге джарар.
- Ашхы адам – халкъ байлыгъы, ашхы джер – джашау байлыгъы.
- Джан саулукъ бермей, сан саулукъ бермезсе.
- Къая джолда джортма, ачыкъ сёзден къоркъма.
- Кийим тукъум сордурур.
- Накъырда – кертини келечиси.
- Хунаны тюбюн къазсанг, юсюнге ауар.
- Мал кёб болса, джууукъ кёб болур.
- Тюкюрюк баш джармаз, налат кёз чыгъармаз!
- Джыйырма къойну юч джыйырма эбзе кюте эди.
- Берекет берсин деген джерде, берекет болур.
- Ашына кёре табагъы, балына кёре къалагъы.
- Билмегенинги, билгеннге сор.
- Къайтырыкъ эшигинги, къаты уруб чыкъма.
- Чакъырылмагъан къонакъ тёрге атламаз.
- Ата Джуртун танымагъан, атасын да танымаз.
- Байлыкъ келсе, акъыл кетер.
- Хазыр ашха – терен къашыкъ.
- Къарнынг ауруса, ауузунгу тый
- Къарны аманнга къазан такъдырма, къолу аманнга от джакъдырма.
- Эл тойса, тоймагъан, эл къойса, къоймагъан.
- Джарлы эскисин джамаса, къууаныр.
- Халкъны юйю – туугъан джери.
- Урама да – ёледи, сатама да – келеди.
- Нарт сёз къарт болмаз.
- Аз айтсам, кёб ангылагъыз.
- Азыгъы аз, алгъа къабар, аты аман, алгъа чабар.
- Кёпюр салгъан кеси ётер, уру къазгъан кеси кетер.
мёлекчикле
16.02.2012