- Терек ауса, отунчу – кёб.
- Юй кюйдю да, кюйюз чыкъды, ортасындан тюйюш чыкъды.
- Аман къатын сабий табса, бий болур…
- Юйюнг бла джау болгъандан эсе, элинг бла джау бол.
- Къоркъакъны кёзю экили кёрюр.
- Ойнай-ойнай кёз чыгъар.
- Ёлюк кебинсиз къалмаз.
- Эки итни арасына сюек атма, эки адамны арасында сёз чыгъарма.
- Ёксюзню тилеги къабыл болур.
- Телини эшигин, махтау джабар.
- Къатын байлыкъны сюер, эр саулукъну сюер.
- Накъырда – кертини келечиси.
- Таула не мийик болсала да, аууш табылыр.
- Билмезни кёзю кёрмез, этмезни къулагъы эшитмез.
- Айранны сюйген, ийнек тутар.
- Тамчы таш тешер.
- Татлы тилде – сёз ариу, чемер къолда – иш ариу.
- Джарлыны эшигин махтагъан джабар.
- Кёл – къызбай, къол – батыр.
- Хата – гитчеден.
- Ач уят къоймаз.
- Къазанда болса, чолпугъа чыгъар.
- Чомартха хар кюн да байрамды.
- Сакъламагъан затынга джолукъсанг, не бек къууанаса, не бек ачыйса.
- Аууздан келген, къолдан келсе, ким да патчах болур эди.
- Къартны бурнун сюрт да, оноугъа тут.
- Тау башында, тау болмаз, джангыз терек, бау болмаз.
- Ачыкъ джюрекге джол – ачыкъ.
- Тил джюрекге джол ишлейди.
- Сютню башын джалагъан къутулур, тюбюн ичген тутулур.
- Иги – алгъыш этер, аман – къаргъыш этер.
- Джыйырма къойну юч джыйырма эбзе кюте эди.
- Ётюрюкню башын керти кесер.
- Тойгъанлыкъ къойгъа джарашады.
- Мал кёб болса, джууукъ кёб болур.
- Тешик этген тынчды, аны джамагъан къыйынды.
- Хар ишни да аллы къыйынды.
- Ишлерге уял да, ашаргъа табма.
- Ашлыкъны арба юйге келтирир, чана базаргъа элтир.
- Киштикге къанат битсе, чыпчыкъ къалмаз эди.
- Ойнай билмеген, уруб къачар.
- Адамны джюреги нени кёрюрге сюйсе, кёзю да аны кёрюрге ёч болады.
- Къалгъан ишге къар джауар.
- Сабий кёргенин унутмаз.
- Намысы болмагъанны, сыйы болмаз.
- Керилген да, ургъан кибикди.
- Эшекге миннген – биринчи айыб, андан джыгъылгъан – экинчи айыб.
- Ат да турмайды бир териде.
- Бети бедерден, намыс сакълама.
- Байлыкъ адамны сокъур этер.
мёлекчикле
16.02.2012