- Джахил болса анасы, не билликди баласы?
- Къыз чыгъаргъан – къызыл къымжа.
- Алтыда кюлмеген, алтмышда кюлмез.
- Ачыу алгъа келсе, акъыл артха къалады.
- Эли джокъну – кёлю джокъ.
- Джарлы тюеге минсе да, ит къабар.
- Ауругъанны сау билмез, ач къарынны токъ билмез.
- Джашда акъыл джокъ, къартда къарыу джокъ.
- Тёрде – темир таякълы, къаяда – чыпчыкъ аякълы.
- Ётюрюкден тюбю джокъ, кёлтюрюрге джиби джокъ.
- Кёб къычыргъандан – къоркъма, тынч олтургъандан – къоркъ.
- Игини сыйлагъан адетди.
- Орну джокъну – сыйы джокъ.
- Тил – миллетни джаны.
- Зар адам ашынгы ашар, кесинги сатар.
- Намысы болмагъанны, сыйы болмаз.
- Зар адамны насыбы болмаз.
- Гитче джилтин уллу элни джандырыр.
- Акъыл неден да кючлюдю.
- Агъач – джерни чырайы, кийим – эрни чырайы.
- Юйлю уругъа ит чабмаз.
- Экиндини кеч къылсанг, чабыб джетер ашхам.
- Огъурлуну сёзю – суу, огъурсузну сёзю – уу.
- Бети къызарыучу адамны, джюреги харам болмаз.
- Ариу джол аджал келтирмез.
- Адамгъа аман кюн соруб келмейди.
- Мухардан ач ычхынмаз.
- Башланнган иш битер, къымылдагъан тиш тюшер.
- Ойнай билмеген, оюн бузар.
- Суу кетер, таш къалыр.
- Гугурук къычырмаса да, тангны атары къалмаз.
- Телиге от эт десенг, юйюнге от салыр.
- Ашха уста, юйюнде болсун
- Ичимден чыкъды хата, къайры барайым сата?
- Ариу сёз – къылычдан джити.
- Эрине къаргъыш этген къатын, эрнин къабар.
- Къонакъ аз олтурур, кёб сынар.
- Ашхы тенг джолгъа салыр, аман тенг джолдан тайдырыр.
- Кёзю сокъурдан – къоркъма, кёлю сокъурдан – къоркъ.
- Айырылмаз джууугъунга, унутмаз сёзню айтма.
- Акъыллы эркиши атын махтар, акъылсыз эркиши къатынын махтар.
- Азыгъы аз, алгъа къабар, аты аман, алгъа чабар.
- Тай асырагъан, атха минер.
- От кюйдюрген, сау болса да, тот кюйдюрген, сау болмаз.
- Зарда марда джокъ.
- Кимни – тили, тиши онглу, кимни – къолу, иши онглу.
- Кёбден умут этиб, аздан къуру къалма.
- Бозанг болмагъан джерге, къалагъынгы сукъма.
- Аджаллыгъа окъсуз шкок атылыр.
- Адам боллукъ, атламындан белгили болур.
мёлекчикле
16.02.2012