- Ишленмеклик адамлыкъды.
- Эл бла кёргенинг эрелей.
- Ана – юйню кюн джарыгъы.
- Эллинг бла джау болсанг да, юйюнг бла джау болма.
- Джол бла сёзню къыйыры джокъ.
- Татлы тилде – сёз ариу, чемер къолда – иш ариу.
- Суу кетер, таш къалыр.
- Тилчи тилден къаныкъмаз.
- Экиндини кеч къылсанг, чабыб джетер ашхам.
- Чомарт къонакъ юй иесин сыйлар.
- Бети бедерден, намыс сакълама.
- Байны къызы баймакъ болса да, юйде къалмаз!
- Къарыусузгъа кюлме, онгсузгъа тийме.
- Эринчекни эр алмаз, эр алса да, кёл салмаз, кёл салса да, кёб бармаз!
- Аякъларынгы джууургъанынга кёре узат.
- Алтыда кюлмеген, алтмышда кюлмез.
- Билим насыб берир, билим джолну керир.
- Алгъанда – джууукъ, бергенде – джау.
- Окъуусуз билим – джокъ, билимсиз кюнюнг – джокъ.
- Айранын берсенг, челегин да къызгъанма.
- Бал – татлы, балдан да бала – татлы.
- Ойнай билмеген, оюн бузар.
- Эки элинги тыйсанг, джети элде махталырса.
- Ёлюк кебинсиз къалмаз.
- Сескекли кесин билдирир.
- Джарлы джети элни сёзюн этер.
- Сёз – кюмюш, джыр – алтын.
- Окъугъан – асыу, окъумагъан – джарсыу.
- Билмегенинги, билгеннге сор.
- Аш иеси бла татлыды.
- Оюмсуз атлагъан, аджалсыз ёлюр.
- Тойгъа барсанг, тоюб бар, эски тонунгу къоюб бар.
- Айтханы чапыракъдан ётмеген.
- Билимли ёлмез, билимсиз кёрмез.
- Аманны къуугъан, аманлыкъ табар.
- Бёрю да ач къалмасын, эчки да ашалмасын.
- Къайтырыкъ эшигинги, къаты уруб чыкъма.
- Тойну къарнашы – харс, джырны къарнашы – эжиу.
- Чабар ат – джетген къыз.
- Кёзню ачылгъаны – иги, ауузну джабылгъаны – иги.
- Адам боллукъ, атламындан белгили болур.
- Эр сокъур болсун, къатын тилсиз болсун.
- Таш ата билмеген, башына урур.
- Джюз элде джюз ёгюзюм болгъандан эсе, джюз джууугъум болсун.
- Ач отунчуну ачыуу – бурнунда.
- Таш бла ургъанны, аш бла ур.
- Кюл тюбюндеги от кёрюнмейди.
- Керилген да, ургъан кибикди.
- Бетинги сатма, малынгы сат.
- Арбаз къынгырды да, ийнек сауалмайма.
мёлекчикле
16.02.2012