- Аш хазыр болса, иш харам болур.
- Суугъа – таянма, джаугъа – ийнанма.
- Тили узунну, намысы – къысха.
- Тамбла алтындан бюгюн багъыр ашхы.
- Джыланны къуйругъундан басарынг келсе, аны башы болгъанын унутма.
- Адам сёзюнден белгили.
- Ёлген эшек бёрюден къоркъмайды.
- Намысы болмагъанны, сыйы болмаз.
- Дуния малгъа сатылма, кесингден телиге къатылма.
- Мал тутхан – май джалар.
- Чомарт бергенин айтмаз.
- Уллу сёзде уят джокъ.
- Бети – къучакълар, джюреги – бычакълар.
- «Ма», - дегенни билмесенг, «бер», - дегенни билмезсе.
- Къарны аманнга къазан такъдырма, къолу аманнга от джакъдырма.
- Уллу айтханны этмеген – уллаймаз.
- Тура эдим джата, къайдан чыкъды хата?
- Аман адамны тепсинге олтуртсанг, къызынгы тилер.
- Ашлыкъ – бюртюкден, джюн – тюкден.
- Къызны минг тилер, бир алыр.
- Сабийликде юретмесенг, уллу болса – тюзелмез.
- Чомартны къолу берекет.
- Эл бла кёргенинг эрелей.
- Иги сеники эсе да, сюйген кесимикин этеме.
- Сакъалы текени да бар, мыйыгъы киштикни да бар.
- Иги – алгъыш этер, аман – къаргъыш этер.
- Кёзден кетген, кёлден да кетеди.
- Джангызны оту джарыкъ джанмаз!
- Джолда аягъынга сакъ бол, ушакъда тилинге сакъ бол.
- Эски джаугъа ышанма.
- Тёзген – тёш ашар!
- Асхат ашлыкъ сата, юйдегиси ачдан къата.
- Иги адамны бир сёзю эки болмаз.
- Азыгъы аз, алгъа къабар, аты аман, алгъа чабар.
- Ётюрюкчюню шагъаты – къатында.
- Аууздан келген, къолдан келсе, ким да патчах болур эди.
- Адам къаллай бир ишленмесе, аллай бир кесин уллу кёреди.
- Тойгъандан сора, ашны сёкме.
- Ёгюзню мюйюзлери ауурлукъ этмейдиле.
- Мухардан ач ычхынмаз.
- Ашхы болсанг, атынг чыгъар, аман болсанг, джанынг чыгъар.
- Окъуу – билимни ачхычы, окъуу – дунияны бачхычы.
- Кёб ант этген, кёб ётюрюк айтыр.
- Джети тилни билген джети кишиди.
- Тилде сюек болмаса да, сюек сындырыр.
- Бал ашаргъа сюе эсенг, чибин ургъаннга тёз.
- Кёрмегеннге кебек – танг, битмегеннге сакъал – танг.
- Джахил болса анасы, не билликди баласы?
- Келинин тута билмеген, къул этер, къызын тута билмеген, тул этер.
- Бозанг болмагъан джерге, къалагъынгы сукъма.
мёлекчикле
16.02.2012