Эльбрусоид :: Эльбрусоид

Ауузу аманнга «иги», деме.
Эринчекни аурууу – кёб.
Тюкюрюк баш джармаз, налат кёз чыгъармаз!
Аз айтсам, кёб ангылагъыз.
Огъурлуну сёзю – суу, огъурсузну сёзю – уу.
Кёб ант этген, кёб ётюрюк айтыр.
Таукелге нюр джауар.
Джюрек кёзден алгъа кёрюр.
Биреу ашаб къутулур, биреу джалаб тутулур.
Бозаны арты дауур болур.
Джырына кёре эжиую.
Эр сокъур болсун, къатын тилсиз болсун.
Джеринден айырылгъан – джети джылар, джуртундан айырылгъан – ёлгюнчю джылар.
Кесине гебен этелмеген, биреуге черен эте эди.
Атадан ёксюз – бир ёксюз, анадан ёксюз – эки ёксюз.
Джаш болсун, къыз болсун, акъылы, саны тюз болсун.
Ауузу бла къуш тута айланады.
Иги – алгъыш этер, аман – къаргъыш этер.
Бал – татлы, балдан да бала – татлы.
Чомартны къолун джокълукъ байлар.
Айтылгъан сёз ызына къайтмаз.
Ачылгъан эт джабылыр, кёрген кёз унутмаз.
Ач уят къоймаз.
Джюрекден джюрекге джол барды.
Сёз – кюмюш, джыр – алтын.
Чомарт къолда мал къалмаз.
Билимсиз иш бармаз.
Игилик игилик бла сингдирилиучю затды.
Ана къойну – балагъа джандет.
Тюзню ётмеги тюзде къалса да, тас болмаз.
Бюгюн дуния кибик, тамбла ахыратды.
Ышармагъан – кюлмез, кюлмеген – къууанчны билмез.
Акъыллы айтыр эди, акъылсыз къоймайды.
Аман къатын алгъан, арыр, иги къатын алгъан джарыр.
Ауругъаннга – кийик саулукъ, джетген къызгъа – чилле джаулукъ.
Билгенни къолу къарны джандырыр.
Тёгюлген тюгел джыйылмайды.
Зарда марда джокъ.
Ашыкъгъанны этеги бутуна чырмалыр.
Къан бла кирген, джан бла чыгъар.
Ёксюзню тилеги къабыл болур.
Чомартха хар кюн да байрамды.
Джаз бир кюнню джатсанг, къыш талай кюнню абынырса.
Къозулугъунда тоймагъан, къойлугъунда тоймаз.
Артына баргъанны, къатына барма.
Билмезни кёзю кёрмез, этмезни къулагъы эшитмез.
Эм ашхы къайын ана мамукъ бла башынгы тешер.
Ачны эсинде – аш.
Дженгил джетерикме деб, узун джолну къоюб, къысхасын барма.
Сабыр джетер муратха, сабырсыз къалыр уятха.