- Къарт бла баш аша, джаш бла аякъ аша.
- Аджашханны ызындагъы кёреди, джангылгъанны джанындагъы биледи.
- Акъыллы – эл иеси, тели – эл баласы.
- Джыланны къуйругъундан басарынг келсе, аны башы болгъанын унутма.
- Ёмюрлюк шохлукъну джел элтмез.
- Къарнынг къанлынга кийирир.
- Байлыкъ адамны сокъур этер.
- Узун джолну барсанг, бюгюн келирсе, къысха джолну барсанг, тамбла келирсе.
- Элни кючю – эмеген.
- Акъыл неден да кючлюдю.
- Минг тенг да азды, бир джау да кёбдю.
- Эки элинги тыйсанг, джети элде махталырса.
- Ашхы сёз таш тешер.
- Эки ойлашыб, бир сёлешген.
- Уллу атлама – абынырса, уллу къабма – къарылырса.
- Тилде сюек болмаса да, сюек сындырыр.
- Эл бла кёргенинг эрелей.
- Аджаллыгъа окъсуз шкок атылыр.
- Ётюрюк хапар аякъ тюбю бла джюрюйдю.
- Иесиз малны бёрю ашар.
- Ётюрюкню башын керти кесер.
- Экиндини кеч къылсанг, чабыб джетер ашхам.
- Сакъ юйюне сау барыр.
- Джарлы тюеге минсе да, ит къабар.
- Сёз сёзню айтдырыр.
- Иши джокъну, сыйы джокъ.
- Ат да турмайды бир териде.
- Тамчы таш тешер.
- Джангыз терек къынгыр ёсер.
- Эркиши – от, тиширыу – суу.
- Аман къатын алгъан, арыр, иги къатын алгъан джарыр.
- Алим болгъандан эсе, адам болгъан къыйынды.
- Сибиртки да сыйлы болду, кюрек да кюнлю болду.
- Ариу – кёзге, акъыл – джюрекге.
- Биреуню тёрюнден, кесинги эшик артынг игиди.
- Уясында не кёрсе, учханында аны этер.
- Джолда аягъынга сакъ бол, ушакъда тилинге сакъ бол.
- Намысы джокъну – дуниясы джокъ.
- Билим ат болуб да чабар, къуш болуб да учар.
- Аман киши кеси юйюнде – къонакъ.
- Аман къатын сабий табса, бий болур…
- Биреу ашаб къутулур, биреу джалаб тутулур.
- Чёбню кёлтюрсенг, тюбюнден сёз чыгъар.
- Чакъырылмагъан джерге барма, чакъырылгъан джерден къалма.
- Ач отунчуну ачыуу – бурнунда.
- Уруну арты – къуру.
- Аджалсыз ёлюм болмаз.
- Ойнай билмеген, уруб къачар.
- Биреуге аманлыкъны тилеме да, кесинге ашхылыкъны тиле.
- Къонакъ кёб келюучю юйню, къазаны отдан тюшмез.
мёлекчикле
16.02.2012