- Тойгъа алгъа да барма, тойда артха да къалма.
- Кеси юйюмде мен да ханма.
- Сабийни джумушха джибер да, ызындан бар.
- Атынг аманнга чыкъгъандан эсе, джанынг тамагъынгдан чыкъсын.
- Тамчы таш тешер.
- Окъугъан озар, окъумагъан тозар.
- Иги – алгъыш этер, аман – къаргъыш этер.
- Азыкъ аз болса, эртде орун сал.
- Акъыллы – эл иеси, тели – эл баласы.
- Ёпкелегенни ашы татлы болады.
- Термилгенинги табмазса, кюлгенинге тюберсе.
- Эртде тургъан бла эртде юйленнген сокъуранмаз.
- Адам туугъан джеринде, ит тойгъан джеринде.
- Окъ къызбайны джокълайды.
- Баргъанынга кёре болур келгенинг.
- Уллу суу бла уллу ауруудан башынгы сакъла.
- Къарын къуру болса, джюрек уру болур.
- Джолда аягъынга сакъ бол, ушакъда тилинге сакъ бол.
- Эки къатын алгъан – эки ташны ортасына башын салгъан.
- Хантына кёре тузу, юйюне кёре къызы.
- Бал ашаргъа сюе эсенг, чибин ургъаннга тёз.
- Къуру гыбыт бек дыгъырдар.
- Кёбге таш атма.
- Чабакъ башындан чирийди.
- Тюкюрюк баш джармаз, налат кёз чыгъармаз!
- Байлыкъ келсе, акъыл кетер.
- Ашхы адам – халкъ байлыгъы, ашхы джер – джашау байлыгъы.
- Тойгъандан сора, ашны сёкме.
- Айранын берсенг, челегин да къызгъанма.
- Адеб базарда сатылмаз.
- Таякъ этден ётер, тил сюекден ётер.
- Аманнга алтын чыдамаз.
- Ашыкъгъан cуу, тенгизге джетмез.
- Къозулугъунда тоймагъан, къойлугъунда тоймаз.
- Ёлген аслан – сау чычхан.
- Къарт бла баш аша, джаш бла аякъ аша.
- Оюмсуз атлагъан, аджалсыз ёлюр.
- Абынмазлыкъ аякъ джокъ, джангылмазлыкъ джаякъ джокъ.
- Ёлген эшек бёрюден къоркъмайды.
- Джашынгы кесинг юретмесенг, джашау юретир.
- Тин – байлыгъынг, терен саулугъунг.
- Юйлю уругъа ит чабмаз.
- Адебсиз адам – джюгенсиз ат.
- Айтхан – тынч, этген – къыйын.
- Къатын къылыкъсыз, эр тынчлыкъсыз.
- Таукел адам тау тешер.
- Татлы тилде – сёз ариу, чемер къолда – иш ариу.
- Нарт сёз – тилни бети.
- Уллу къазанда бишген эт, чий къалмаз.
- Уясында не кёрсе, учханында аны этер.
мёлекчикле
16.02.2012