Эльбрусоид :: Эльбрусоид

Айтханы чапыракъдан ётмеген.
Ач бёрюге мекям джокъ.
Ханнга да келеди хариблик.
Мен да «сен», дейме, сен да «кесим», дейсе.
Аууздан келген, къолдан келсе, ким да патчах болур эди.
Джылыгъа джылан илешир.
Байдан умут эте, джарлыдан ёгюз багъасы къорады.
Рысхы – насыбха къор.
Чакъырылмай келген къонакъ сыйланмай кетер.
Кесине оноу эте билмеген, халкъына да эте билмез.
Ёлюр джаннга, ёкюл джокъ.
Джуртун къоругъан озар.
Уллу айтханны этмеген – уллаймаз.
Адам туугъан джеринде, ит тойгъан джеринде.
Джылар джаш, атасыны сакъалы бла ойнар.
Ёзденликни джайгъан – джокълукъ.
Къарнынг ауруса, ауузунгу тый
Аджалсыз ёлюм болмаз.
Юйюнгден чыкъдынг – кюнюнгден чыкъдынг.
Тамчы таш тешер.
Кёбге таш атма.
Тёгюлген тюгел джыйылмайды.
Кёл ашады да, кеси ашады.
Иги сёз – джаннга азыкъ, аман сёз башха – къазыкъ.
Артына баргъанны, къатына барма.
Ата – билек, ана – джюрек!
Байма, деб да, къууанма, джарлыма, деб да, джылама.
Джашынгы кесинг юретмесенг, джашау юретир.
Чабар ат – джетген къыз.
Биреуню эскиси биреуге джангы болмайды.
Хар сёзню орну барды.
Керти сёзге тёре джокъ.
Айыбны суу бла джууалмазса.
Бир онгсуз адам адет чыгъарды, деб эштирик тюлсе.
Къанны къан бла джуума, аманны аман бла къуума.
Зарда марда джокъ.
Эринчекни аурууу – кёб.
Сакъламагъан затынга джолукъсанг, не бек къууанаса, не бек ачыйса.
Ашхы болсанг, атынг чыгъар, аман болсанг, джанынг чыгъар.
Тюзню ётмеги тюзде къалса да, тас болмаз.
Атлыны кёрсе, джаяуну буту талыр.
Эки элинги тыйсанг, джети элде махталырса.
Келгинчи, къонакъ уялыр, келгенден сора, къонакъбай уялыр.
Чакъырылмагъан джерге барма, чакъырылгъан джерден къалма.
Мадар болса, къадар болур.
Экиндини кеч къылсанг, чабыб джетер ашхам.
Уллу сёлешме да, уллу къаб.
Эшекни не къадар тюйсенг да, ат болмаз.
Сабий болмагъан джерде, мёлек болмаз.
Эки итни арасына сюек атма, эки адамны арасында сёз чыгъарма.