- Алим болгъандан эсе, адам болгъан къыйынды.
- Адам къаллай бир ишленмесе, аллай бир кесин уллу кёреди.
- Аджашхан тёгерек айланыр.
- Къыйынлы джети элге оноу этер.
- Керилген да, ургъан кибикди.
- Байдан умут эте, джарлыдан ёгюз багъасы къорады.
- Айран ичген – къутулду, джугъусун джалагъан – тутулду.
- Джылар джаш, атасыны сакъалы бла ойнар.
- Магъанасыз сёз – тауушсуз сыбызгъы.
- Кюн – узун, ёмюр – къысха.
- Окъумагъан сокъурду, сокъур ташха абыныр!
- Къошда джокъгъа – юлюш джокъ.
- Ашаса, ашамаса да, бёрюню ауузу – къан.
- Хар зат кесини орнуна иги.
- Кёзюнде тереги болгъан, чёбю болгъаннга кюле эди.
- Ач, тоймам, дейди, тойгъан, ач болмам, дейди.
- Аджашханны ызындагъы кёреди, джангылгъанны джанындагъы биледи.
- Джумушакъ сёз къаты таякъны сындырыр.
- Ана къойну – балагъа джандет.
- Билимсиз иш бармаз.
- Аман эсирсе, юйюн ояр.
- Джангызны оту джарыкъ джанмаз!
- Тёрде – темир таякълы, къаяда – чыпчыкъ аякълы.
- Ойнай-ойнай кёз чыгъар.
- Ойнай билмеген, оюн бузар.
- Башынга джетмегенни сорма.
- Аман адам этегингден тутса, кес да къач.
- Къаллай салам берсенг, аллай джууаб алырса.
- Ашлыкъны арба юйге келтирир, чана базаргъа элтир.
- Ёгюзню мюйюзюнден тутадыла, адамны сёзюнден тутадыла.
- Биреуге кёлтюрген таягъынг, кесинги башынга урур.
- Азыкълы ат арымаз, къатыны аман джарымаз.
- Джарашыу сюйген – джалынчакъ.
- Джарлы джети элни сёзюн этер.
- Юй ишлеген балта эшикде къалыр.
- Тилчиден кери бол.
- Мухарны эси – ашарыкъда.
- Кийим тукъум сордурур.
- Биреуню эскиси биреуге джангы болмайды.
- Айтхан сёзюне табылгъан.
- Ана – юйню кюн джарыгъы.
- Бети – къучакълар, джюреги – бычакълар.
- Джаралыны джастыгъында сау ёлюр.
- Акъыл бла адеб эгизледиле.
- Танг атмайма десе да, кюн къоярыкъ тюйюлдю.
- Ёзденликни джайгъан – джокълукъ.
- Тюзню ётмеги тюзде къалса да, тас болмаз.
- Адамны сыфатына къарама, сёзюне къара.
- Кёрмегеннге кебек – танг, битмегеннге сакъал – танг.
- Аякъларынгы джууургъанынга кёре узат.
мёлекчикле
16.02.2012