Эльбрусоид :: Эльбрусоид

Кютгени беш эчки, сызгъыргъаны уа, джерни джарады.
Кийимни бичсенг, кенг бич, тар этген къыйын тюлдю.
Джогъун бар этген, барын бал этген.
Ана къойну – балагъа джандет.
Айран ичген – къутулду, джугъусун джалагъан – тутулду.
Азыкъ аз болса, эртде орун сал.
Къарнынг къанлынга кийирир.
Экеу тутушса, биреу джыгъылыр.
Джерни букъусу кёкге къонмаз.
Чомарт бергенин айтмаз.
Ач – эснер, ат – кишнер.
Садакъачыны джаны – къапчыгъында.
Кюн кёрмеген, кюн кёрсе, кюндюз чыракъ джандырыр.
Къонакъ аман болса, къонакъбай джунчур
Ачлыкъ отха секиртир.
Мухар, кеси тойса да, кёзю тоймаз.
Эли джокъну – кёлю джокъ.
Ишни ахырын ойламай, аллын башлама.
Тамырсыз терекге таянма – джыгъылырса.
Дууулдаса – бал чибин, къонса – къара чибин.
Къарнынг ауруса, ауузунгу тый
Ачылгъан эт джабылыр, кёрген кёз унутмаз.
Аджал соруб келмез, келсе, къайтыб кетмез.
Айранын берсенг, челегин да къызгъанма.
Тойгъандан сора, ашны сёкме.
Эр абынмай, эл танымаз.
Байны оноуу, джарлыгъа джарамаз.
Сёлеш деб шай берген, тохта деб, сом берген.
Джашны джигитлиги сорулур, къызны джигерлиги сорулур.
Ат басханны джер билед.
Билмейме деген – бир сёз
Къонакъ хазыр болгъанлыкъгъа, къонакъбай хазыр тюлдю.
Эркишиге тары кебек танг кёрюнюр.
Джюз элде джюз ёгюзюм болгъандан эсе, джюз джууугъум болсун.
Ачлыкъда тары гырджын халыуадан татлы.
Ётюрюкню башын керти кесер.
Суугъа – чабакъ, къаягъа – ыргъакъ.
Чёбню кёлтюрсенг, тюбюнден сёз чыгъар.
Билген билмегенни юретген адетди.
Олтуруб кёрюнмей эди да, ёрге туруб кёрюне эди.
Бойнуму джети джерден кессенг да, мен ол ишни этеллик тюлме.
Аманны эки битли тону болур, бирин сеннге кийдирир, бирин кеси киер.
Джаным-тиним – окъуу, билим.
Аман къатын сабий табса, бий болур…
Айран тёгюлсе, джугъусу къалыр.
Этим кетсе да, сюегим къалыр.
Ата Джуртуму башы болмасам да, босагъасында ташы болайым.
Келгинчи, къонакъ уялыр, келгенден сора, къонакъбай уялыр.
Мураты болгъанны джюрек тебюую башхады.
Биреуню тёрюнден, кесинги эшик артынг игиди.