Эльбрусоид :: Эльбрусоид

Ат да турмайды бир териде.
Къыйынлы джети элге оноу этер.
Дженгил джетерикме деб, узун джолну къоюб, къысхасын барма.
Баш – акъыл ючюн, акъылман – халкъ ючюн.
Айтхан сёзюне табылгъан.
Аууздан келген, къолдан келсе, ким да патчах болур эди.
Сангырау къулакъ эл бузар.
Эл тойса, тоймагъан, эл къойса, къоймагъан.
Тенги кёбню джау алмаз, акъылы кёбню дау алмаз.
Мухарны эси – ашарыкъда.
Чомартны къолу берекет.
Ётюрюкню къуйругъу – бир тутум.
Ашына кёре табагъы, балына кёре къалагъы.
Халкъны джырын джырласанг, халкъ санга эжиу этер.
Накъырданы арты керти болур.
Джырчы джырчыгъа – къарнаш.
Башланнган иш битер, къымылдагъан тиш тюшер.
Билген билмегенни юретген адетди.
Айран ичген – къутулду, джугъусун джалагъан – тутулду.
Къонакъ кёб келюучю юйню, къазаны отдан тюшмез.
Эртде тургъан джылкъычыны эркек аты тай табар.
Башынга джетмегенни сорма.
Гугурук къычырмаса да, тангны атары къалмаз.
Къонакъ аман болса, къонакъбай джунчур
Къартны сыйын кёрмеген, къартлыгъында сыйлы болмаз.
Мен да «сен», дейме, сен да «кесим», дейсе.
Татлы сёз – балдан татлы.
Тёрде – темир таякълы, къаяда – чыпчыкъ аякълы.
Айырылмаз джууугъунга, унутмаз сёзню айтма.
Къарт бла баш аша, джаш бла аякъ аша.
Ойнай билмеген, уруб къачар.
Къыйынлы джети элни къайгъысын этер.
Бети бедерден, намыс сакълама.
Ашатыргъа иш – ашхы, ишлетирге аш – ашхы.
Адамны сыфатына къарама, сёзюне къара.
Къарнынг къанлынга кийирир.
Тулпарлыкъ, билекден тюл – джюрекден.
Аманнга да, игиге да оноусуз къатышма.
Хунаны тюбюн къазсанг, юсюнге ауар.
Кесине оноу эте билмеген, халкъына да эте билмез.
Игиге айтсанг – билир, аманнга айтсанг – кюлюр.
Адебни адебсизден юрен.
Ариу – кёзге, акъыл – джюрекге.
Кийиминг бла танылма, адамлыкъ бла таныл.
Арыгъан къош чамчы болур.
Ариу джол аджал келтирмез.
Къобан да къуру да къобханлай турмайды, адам да къуру да патчахлай турмайды.
Рысхы – сют юсюнде кёмюк кибикди.
Джангызны оту джарыкъ джанмаз!
Таш ата билмеген, башына урур.