- Ётюрюкден тюбю джокъ, кёлтюрюрге джиби джокъ.
- Артына баргъанны, къатына барма.
- Ишлегенден, къарагъан уста.
- Къуру гыбыт бек дыгъырдар.
- Кимни – тили, тиши онглу, кимни – къолу, иши онглу.
- Ариу сёз – джаннга азыкъ, аман сёз – башха къазыкъ.
- Алгъанда – джууукъ, бергенде – джау.
- Ашыкъгъан cуу, тенгизге джетмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Башы джабылгъан челекге, кир тюшмез.
- Джангыз торгъай джырламаз.
- Халкъны юйю – туугъан джери.
- Къарнынг къанлынга кийирир.
- Шапа кёб болса, аш татымсыз болур.
- Бир абыннган – минг сюрюнюр.
- Къонагъы джокъну – шоху джокъ.
- Окъуусуз билим – джокъ, билимсиз кюнюнг – джокъ.
- Гугук кесини атын айтыб къычыргъанча, мен, мен деб нек тураса?
- Ашда уялгъан – мухар, ишде уялгъан – хомух.
- Намыс болмагъан джерде, насыб болмаз.
- Ашыкъгъанны этеги бутуна чырмалыр.
- Аманнга алтын чыдамаз.
- Джаным-тиним – окъуу, билим.
- Сабийни джумушха джибер да, ызындан бар.
- Сакъалы текени да бар, мыйыгъы киштикни да бар.
- Ойнай билмеген, оюн бузар.
- Ачны эсинде – аш.
- Орну джокъну – сыйы джокъ.
- Эли джокъну – кёлю джокъ.
- Кесинг сынамагъан затны, адамгъа буюрма.
- Элни кючю – эмеген.
- Тойчу джашха къарама, къойчу джашха къара.
- Джашда акъыл джокъ, къартда къарыу джокъ.
- Ёлюр джаннга, ёкюл джокъ.
- Кёлсюзден сёзсюз тууар.
- Нарт сёз къарт болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Дженгил джетерикме деб, узун джолну къоюб, къысхасын барма.
- Ариу сёзде ауруу джокъ.
- Юре билмеген ит, къонакъ келтирир.
- Ишлегенде эринме, ишде чолакъ кёрюнме.
- Къар – келтирди, суу – элтди.
- Адамны аты башхача, акъылы да башхады.
- Чомарт бергенин айтмаз.
- Эл бла кёргенинг эрелей.
- Аджалсыз ёлюм болмаз.
- Баргъанынга кёре болур келгенинг.
- Тилсиз миллет джокъ болур.
- Къан бла кирген, джан бла чыгъар.
- Уллу айтханны этмеген – уллаймаз.
Doch' Kavkaza
|