- Хантына кёре тузу, юйюне кёре къызы.
- Адебни адебсизден юрен.
- Ач къарным, тынч къулагъым.
- Тилсиз миллет джокъ болур.
- Тюзню ётмеги тюзде къалса да, тас болмаз.
- Чабар ат – джетген къыз.
- Мал кёб болса, джууукъ кёб болур.
- Къуллукъчума, деб махтанма, къуллукъ – хаух джамчыды!
- Садакъачыны джаны – къапчыгъында.
- Намысы джокъну – дуниясы джокъ.
- Ана кёлю – балада, бала кёлю – талада.
- Тил джюрекге джол ишлейди.
- Кёзюнде тереги болгъан, чёбю болгъаннга кюле эди.
- Тойну къарнашы – харс, джырны къарнашы – эжиу.
- Татлы тилде – сёз ариу, чемер къолда – иш ариу.
- Тилчиден кери бол.
- Къарт айтханны этмеген, къартаймаз.
- Иши джокъну, сыйы джокъ.
- Ашхы тенг джолгъа салыр, аман тенг джолдан тайдырыр.
- Ашына кёре табагъы, балына кёре къалагъы.
- Баргъанынга кёре болур келгенинг.
- Билмейме деген – бир сёз
- Къызгъанчдан ычхыныр, мухардан ычхынмаз.
- Игини сыйлагъан адетди.
- Билеги кючлю, бирни джыгъар, билими кючлю, мингни джыгъар.
- Рысхы – насыбха къор.
- Кёкдеги болмаса, джердегин кёрмейди.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач келгенни – тойдур, кеч келгенни – къондур.
- Кёб къычыргъандан – къоркъма, тынч олтургъандан – къоркъ.
- Биреуге аманлыкъны тилеме да, кесинге ашхылыкъны тиле.
- Адам къыйынлыгъын кёлтюрюр, зауукълугъун кёлтюрмез.
- Ёзденликни джайгъан – джокълукъ.
- Акъыл сабырлыкъ берир.
- Ауузу бла къуш тута айланады.
- Хар сёзню орну барды.
- Таш бла ургъанны, аш бла ур.
- Ариу сёз джыланны орнундан чыгъарыр.
- Къонакъ кёб келюучю юйню, къазаны отдан тюшмез.
- Чабакъ башындан чирийди.
- Хаухну атма, ёнгкючню сатма.
- Чакъырылмагъан джерге барма, чакъырылгъан джерден къалма.
- Чабакъсыз кёлге къармакъ салгъанлыкъгъа, чабакъ тутмазса.
- Айырылгъанланы айю ашар, бёлюннгенлени бёрю ашар.
- Джарашыу сюйген – джалынчакъ.
- Башы ишлегенни, ауузу да ишлер.
- Джигер – джаннга къыйынлыкъ.
- Хата – гитчеден.
- Къыйынлы джети элге оноу этер.
- Оюмсуз атлагъан, аджалсыз ёлюр.