- Уллу сёлешме да, уллу къаб.
- Ашын ашагъанынгы, башын да сыйла.
- Ачлыкъда тары гырджын халыуадан татлы.
- Кёб къычыргъандан – къоркъма, тынч олтургъандан – къоркъ.
- Аджашханны ызындагъы кёреди, джангылгъанны джанындагъы биледи.
- Башсыз урчукъ тюзюне айланмаз.
- Адеби болмагъан къыз – тузсуз хант.
- Юйюнгден чыкъдынг – кюнюнгден чыкъдынг.
- Мен да «сен», дейме, сен да «кесим», дейсе.
- Къатыны харакетли болса, эри къымсыз болур.
- Тойгъандан сора, ашны сёкме.
- Сабий болмагъан джерде, мёлек болмаз.
- Баргъанынга кёре болур келгенинг.
- Сабыр джетер муратха, сабырсыз къалыр уятха.
- Билмегенинги, билгеннге сор.
- Билим ат болуб да чабар, къуш болуб да учар.
- Берекет берсин деген джерде, берекет болур.
- Кёбден умут этиб, аздан къуру къалма.
- Байлыкъдан саулукъ ашхыды.
- Къарнынг къанлынга кийирир.
- Ата – баланы уясы.
- Босагъагъа джууукъ орун болса, ашыгъыб тёрге озма.
- Къууут – джелге, берне – бошха.
- Ашхы болсанг, атынг чыгъар, аман болсанг, джанынг чыгъар.
- Тулпарлыкъ, билекден тюл – джюрекден.
- Кёзден кетген, кёлден да кетеди.
- Акъыл бла адеб эгизледиле.
- Адамны сабийин сюйген джюреги, бычакъча, джитиди.
- Аджалсыз ёлюм болмаз.
- Билимден уллу байлыкъ джокъду.
- Чомартха Тейри да борчлуду.
- Ишленмеген джаш – джюгенсиз ат, ишленмеген къыз – тузсуз хант.
- Кийимни бир кюнню аясанг, минг кюннге джарар.
- Тюзлюк тас болмайды.
- Нарт сёз – тилни бети.
- Таш бла ургъанны, аш бла ур.
- Аманны къуугъан, аманлыкъ табар.
- Аманнга игилик этсенг, юйюнге сау бармазса.
- Эки элинги тыйсанг, джети элде махталырса.
- Сабийни джумушха джибер да, ызындан бар.
- Джолда аягъынга сакъ бол, ушакъда тилинге сакъ бол.
- Ёлюк кебинсиз къалмаз.
- Билмейме деген – бир сёз
- Джангызны оту джарыкъ джанмаз!
- Хатерли къул болур.
- Ач уят къоймаз.
- Къозулугъунда тоймагъан, къойлугъунда тоймаз.
- Тойгъан джерге джети къайт.
- Аманнга да, игиге да оноусуз къатышма.
- Аякъларынгы джууургъанынга кёре узат.
мёлекчикле
16.02.2012