Эльбрусоид :: Эльбрусоид

Тенгни тенглиги джашай барсанг билинир.
Тешигини къатында, чычхан да батыр болур.
Уллу атлама – абынырса, уллу къабма – къарылырса.
Ёлюк кебинсиз къалмаз.
Тюз сёз баргъан сууну тыяр.
Алтыннга тот къонмаз.
Кеси юйюмде мен да ханма.
Эли джокъну – кёлю джокъ.
Бети къызарыучу адамны, джюреги харам болмаз.
Биреуге кёлтюрген таягъынг, кесинги башынга урур.
Бюгюн дуния кибик, тамбла ахыратды.
Ашда уялгъан – мухар, ишде уялгъан – хомух.
Суугъа – чабакъ, къаягъа – ыргъакъ.
Къатын къылыкъсыз, эр тынчлыкъсыз.
Сууда джау джокъ, кёб сёзде магъана джокъ.
Суугъа – таянма, джаугъа – ийнанма.
Аш берме да, къаш бер.
Намысы джокъну – дуниясы джокъ.
Чомарт къолда мал къалмаз.
Къыз тиширыу кеси юйюнде да къонакъды.
Кирсизни – саны таза, халалны – къаны таза.
Джуртун къоругъан озар.
Тура эдим джата, къайдан чыкъды хата?
Таш ата билмеген, башына урур.
Суу кетер, таш къалыр.
Кёб къычыргъандан – къоркъма, тынч олтургъандан – къоркъ.
Азыкъ аз болса, эртде орун сал.
Келинни – келгинчи, бёркню кийгинчи кёр.
Ичимден чыкъды хата, къайры барайым сата?
Джюрекден джюрекге джол барды.
Тёрде – темир таякълы, къаяда – чыпчыкъ аякълы.
Атлыны ашхысы, ат тизгининден билинир
Ойнаб айтсанг да, эслеб айт.
Айтылгъан сёз ызына къайтмаз.
Айырылмаз джууугъунга, унутмаз сёзню айтма.
Хатерли къул болур.
Сабий кёргенин унутмаз.
Сыфатында болмагъаны, суратында болмаз.
Ойнай билмеген, уруб къачар.
Къыйынлы джети элге оноу этер.
Намысы болмагъанны, сыйы болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Акъыл къартда, джашда тюйюлдю – башдады.
Ёлюр джаннга, ёкюл джокъ.
Танг атмайма десе да, кюн къоярыкъ тюйюлдю.
Гыдай эчки суугъа къараб, мюйюзле кёрмесе, джашма алкъын, дегенди.
Кюн – узун, ёмюр – къысха.
Джырына кёре эжиую.
Биреуге аманлыкъны тилеме да, кесинге ашхылыкъны тиле.
Азыкълы ат арымаз, къатыны аман джарымаз.