Эльбрусоид :: Эльбрусоид

Ат да турмайды бир териде.
Кийимни бир кюнню аясанг, минг кюннге джарар.
Джылар джаш, атасыны сакъалы бла ойнар.
Чакъырылмагъан джерге барма, чакъырылгъан джерден къалма.
Ёнгкюч къууана барыр, джылай келир.
Булут кёкге джарашыу, уят бетге джарашыу.
Аман адамны тепсинге олтуртсанг, къызынгы тилер.
Терслик кетер, тюзлюк джетер.
Миллетни бойну – базыкъ, аны бла кюрешген – джазыкъ.
Атынг аманнга чыкъгъандан эсе, джанынг тамагъынгдан чыкъсын.
Къонакъ хазыр болгъанлыкъгъа, къонакъбай хазыр тюлдю.
Кёз – сюйген джерде, къол – ауругъан джерде.
Тилчиден кери бол.
Акъыллы башны – тили къысха.
Кёб джашагъан – кёб билир.
Ойнай билмеген, оюн бузар.
Уллу айтханны этмеген – уллаймаз.
Тели турса – той бузар.
Махтаннган къыз, тойда джукълар.
Уруну арты – къуру.
Къралынгы – душмандан, башынгы от бла суудан сакъла.
Тойну къарнашы – харс, джырны къарнашы – эжиу.
Ёгюзню мюйюзюнден тутадыла, адамны сёзюнден тутадыла.
Джан саулукъ бермей, сан саулукъ бермезсе.
Бети бедерден, намыс сакълама.
Бюгюн дуния кибик, тамбла ахыратды.
Ашхы – джыяр, аман – джояр.
Къазанны башы ачыкъ болса, итге уят керекди.
Эр сокъур болсун, къатын тилсиз болсун.
Иесиз малны бёрю ашар.
Мадар болса, къадар болур.
Олтуруб кёрюнмей эди да, ёрге туруб кёрюне эди.
Ариу сёзде ауруу джокъ.
Терек ауса, отунчу – кёб.
Мухардан ач ычхынмаз.
Шапа кёб болса, аш татымсыз болур.
Ашлыкъны арба юйге келтирир, чана базаргъа элтир.
Чоюнну башы ачыкъ болса, итге уят керекди.
Тюкюрюк баш джармаз, налат кёз чыгъармаз!
Ачылгъан эт джабылыр, кёрген кёз унутмаз.
Ач – эснер, ат – кишнер.
Кенгеш болса, уруш болмаз.
Окъумагъан сокъурду, сокъур ташха абыныр!
Сакъ юйюне сау барыр.
Этни бети бла шорпасы.
Нёгер болсанг, тенг бол, тенг болмасанг, кенг бол.
Бастасын ашагъан, хантусун да ичер.
Уллу сёзде уят джокъ.
Ётген ёмюр – акъгъан суу.
Иши джокъну, сыйы джокъ.