- Гитче джилтин уллу элни джандырыр.
- Аманнга игилик этсенг, юйюнге сау бармазса.
- Ётюрюк хапар аякъ тюбю бла джюрюйдю.
- Таукелге нюр джауар.
- Накъырда – кертини келечиси.
- Гугук кесини атын айтыб къычыргъанча, мен, мен деб нек тураса?
- Ауузу аманнга «иги», деме.
- Баш болса, бёрк табылыр.
- Рысхы – насыбха къор.
- Къазанны башы ачыкъ болса, итге уят керекди.
- Чомарт къолда мал къалмаз.
- Aдам боллукъ, сыфатындан белгили.
- Эл тойса, тоймагъан, эл къойса, къоймагъан.
- Арбаз сайлама да, хоншу сайла.
- Джашынгы кесинг юретмесенг, джашау юретир.
- Уллу къазанда бишген эт, чий къалмаз.
- Аджалсыз ёлюм болмаз.
- Чакъырылмагъан къонакъ тёрге атламаз.
- Байны оноуу, джарлыгъа джарамаз.
- Адамны адамлыгъы къыйынлыкъда айгъакъланады.
- Урама да – ёледи, сатама да – келеди.
- Аман къатын алгъан, арыр, иги къатын алгъан джарыр.
- Арыгъан къош чамчы болур.
- Джырчы ёлсе, джыры къалыр.
- Чомартны къолу берекет.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кийимни бир кюнню аясанг, минг кюннге джарар.
- Башы джабылгъан челекге, кир тюшмез.
- Кёзню ачылгъаны – иги, ауузну джабылгъаны – иги.
- Къыйынлы джети элге оноу этер.
- Адамны артындан къара сабан сюрме.
- Ачлыкъда тары гырджын халыуадан татлы.
- Окъдан джара эртде-кеч болса да бителир, сёз джара, ёмюрге къалыр.
- Таукел къуру къалмаз.
- Кийиминг бла танылма, адамлыкъ бла таныл.
- Ач отунчуну ачыуу – бурнунда.
- Билген билмегенни юретген адетди.
- Гугурук къычырмаса да, тангны атары къалмаз.
- Кийимни бичсенг, кенг бич, тар этген къыйын тюлдю.
- Къралынгы – душмандан, башынгы от бла суудан сакъла.
- Кюн кёрмеген, кюн кёрсе, кюндюз чыракъ джандырыр.
- Кесине оноу эте билмеген, халкъына да эте билмез.
- Биреуню эскиси биреуге джангы болмайды.
- Ойнай билмеген, оюн бузар.
- Бети – къучакълар, джюреги – бычакълар.
- Тенгинг джокъ эсе – изле, бар эсе – сакъла!
- Ишни ахырын ойламай, аллын башлама.
- Къыз келсе, джумуш эте келеди, къатын келсе, ушакъ эте келеди.
- Тил бла келеди джыр да.
- Ханнга да келеди хариблик.
мёлекчикле
16.02.2012