- Садакъачыны джаны – къапчыгъында.
- Ётюрюкню къуйругъу – бир тутум.
- Ач – эснер, ат – кишнер.
- Ёлген ийнек сютлю болур.
- Суу ичген шауданынга тюкюрме.
- Башсыз урчукъ тюзюне айланмаз.
- Эр сокъур болсун, къатын тилсиз болсун.
- Нарт сёз къарт болмаз.
- Ашлыкъны арба юйге келтирир, чана базаргъа элтир.
- Сютден ауузу кюйген, суугъа юфгюре эди.
- Ата джурт – алтын бешик.
- Эки итни арасына сюек атма, эки адамны арасында сёз чыгъарма.
- Тойгъа алгъа да барма, тойда артха да къалма.
- Ашыкъгъан cуу, тенгизге джетмез.
- Акъыллы айтыр эди, акъылсыз къоймайды.
- Къайгъы тюбю – тенгиз.
- Бир онгсуз адам адет чыгъарды, деб эштирик тюлсе.
- Баланы адам этген анады.
- Дуния мал дунияда къалады.
- Билимсиз иш бармаз.
- Азыкъ аз болса, эртде орун сал.
- Джарлы тюеге минсе да, ит къабар.
- Аз сёлешген, къайгъысыз турур.
- Къарт болгъан джерде, берекет болур, сабий болгъан джерде, оюн болур.
- Айтхан – тынч, этген – къыйын.
- Джангызны оту джарыкъ джанмаз!
- Гитче джилтин уллу элни джандырыр.
- Ашхы болсанг, атынг чыгъар, аман болсанг, джанынг чыгъар.
- Булут кёкге джарашыу, уят бетге джарашыу.
- Джюрекге ариу – кёзге да ариу.
- Кенгеш болса, уруш болмаз.
- Къар – келтирди, суу – элтди.
- Алим болгъандан эсе, адам болгъан къыйынды.
- Ичимден чыкъды хата, къайры барайым сата?
- Иги сеники эсе да, сюйген кесимикин этеме.
- Ауругъан – джашаудан умутчу.
- Ёлюк кебинсиз къалмаз.
- Ёксюзню къалачы уллу кёрюнюр.
- Игилик игилик бла сингдирилиучю затды.
- Чабакъ башындан чирийди.
- Асхат ашлыкъ сата, юйдегиси ачдан къата.
- От кюйдюрген, сау болса да, тот кюйдюрген, сау болмаз.
- Иги адам абынса да, джангылмаз.
- Къартны бурнун сюрт да, оноугъа тут.
- Ана кёлю – балада, бала кёлю – талада.
- Ёлген аслан – сау чычхан.
- Чабакъгъа акъыл, табагъа тюшсе келеди.
- Байлыкъ адамны сокъур этер.
- Арбаз къынгырды да, ийнек сауалмайма.
- Ашхы – джыяр, аман – джояр.