Эльбрусоид :: Эльбрусоид :: Урал, Болгария, Катар, Кавказ, Иран

Адам къаллай бир ишленмесе, аллай бир кесин уллу кёреди.
Дуния мал дунияда къалады.
Телиге от эт десенг, юйюнге от салыр.
Эртде тургъан бла эртде юйленнген сокъуранмаз.
Аш берме да, къаш бер.
Джукъу тёшек сайламайды.
Айранны сюйген, ийнек тутар.
Алтыннга тот къонмаз.
Акъыллы – эл иеси, тели – эл баласы.
Битмегеннге сакъал – танг.
Суугъа – чабакъ, къаягъа – ыргъакъ.
Урама да – ёледи, сатама да – келеди.
Атадан ёксюз – бир ёксюз, анадан ёксюз – эки ёксюз.
Акъыллы айтыр эди, акъылсыз къоймайды.
Къолу уллу – асыу, аягъы уллу – джарсыу.
Тамырсыз терекге таянма – джыгъылырса.
Къанны къан бла джуума, аманны аман бла къуума.
Чакъырылмай келген къонакъ сыйланмай кетер.
Кёб къычыргъандан – къоркъма, тынч олтургъандан – къоркъ.
Адеби болмагъан къыз – тузсуз хант.
Алма терегинден кери кетмез.
От этилмеген джерден тютюн чыкъмайды.
Рысхы – сют юсюнде кёмюк кибикди.
Адеб джокъда, намыс джокъ.
Къалгъан ишге къар джауар.
Сютден ауузу кюйген, суугъа юфгюре эди.
Огъурлуну сёзю – суу, огъурсузну сёзю – уу.
Къыйынлы джети элге оноу этер.
Акъыллы башны – тили къысха.
Дууулдаса – бал чибин, къонса – къара чибин.
Арыгъан къош чамчы болур.
Борчунг бар эсе, хурджунунга ойлаб узал.
Къонакъ болсанг, ийнакъ бол.
Уллу атлама – абынырса, уллу къабма – къарылырса.
Ёлюр джаннга, ёкюл джокъ.
Тамбла алтындан бюгюн багъыр ашхы.
Азыкълы ат арымаз, къатыны аман джарымаз.
Хантына кёре тузу, юйюне кёре къызы.
Юйлю уругъа ит чабмаз.
Ким бла джюрюсенг, аны кёзю бла кёрюнюрсе.
Миллетни бойну – базыкъ, аны бла кюрешген – джазыкъ.
Билим насыб берир, билим джолну керир.
Къан бла кирген, джан бла чыгъар.
Бетинги сатма, малынгы сат.
Элиб деген, элге болушур.
Терслик кетер, тюзлюк джетер.
Кийимни бир кюнню аясанг, минг кюннге джарар.
Асхат ашлыкъ сата, юйдегиси ачдан къата.
Ишлегенден, къарагъан уста.
Джангыз терек къынгыр ёсер.