Эльбрусоид :: Эльбрусоид :: Урал, Болгария, Катар, Кавказ, Иран

Сагъышы джокъ – джукъучу, акъылы джокъ – къаугъачы.
Аман эсирсе, юйюн ояр.
Харам къарнашдан, халал тенг ашхы.
Къайтырыкъ эшигинги, къаты уруб чыкъма.
Намыс болмагъан джерде, насыб болмаз.
Чоюнну башы ачыкъ болса, итге уят керекди.
Бал чибинни ургъаны – ачы, балы – татлы.
Айтхан – тынч, этген – къыйын.
Кимни – тили, тиши онглу, кимни – къолу, иши онглу.
Айранны сюйген, ийнек тутар.
Къумурсхала джыйылсала, пилни да джыгъадыла.
Ёзденликни джайгъан – джокълукъ.
Алгъанда – джууукъ, бергенде – джау.
Дженгил джетерикме деб, узун джолну къоюб, къысхасын барма.
Ашхы болсанг, атынг чыгъар, аман болсанг, джанынг чыгъар.
Урама да – ёледи, сатама да – келеди.
Иесиз малны бёрю ашар.
Къайгъыны сюйген, къайгъы табар.
Ашын ашагъанынгы, башын да сыйла.
Тилде сюек болмаса да, сюек сындырыр.
Артына баргъанны, къатына барма.
Къызны минг тилер, бир алыр.
Аманны тукъумуна къарама, игини тукъумун сорма.
Къайгъы тюбю – тенгиз.
Эте билген, этген этеди, эте билмеген, юретген этеди!
Кийим тукъум сордурур.
Хар зат кесини орнуна иги.
Къонакъ болсанг, ийнакъ бол.
Джаш болсун, къыз болсун, акъылы, саны тюз болсун.
Ач къалгъандан, кеч къалгъан къолай.
Ашлыкъ – бюртюкден, джюн – тюкден.
Ачылгъан эт джабылыр, кёрген кёз унутмаз.
Атлыны кёрсе, джаяуну буту талыр.
Чакъырылмагъан къонакъ къачан кетерин сормаз.
От этилмеген джерден тютюн чыкъмайды.
Билимден уллу байлыкъ джокъду.
Тура эдим джата, къайдан чыкъды хата?
Ауурну тюбю бла, дженгилни башы бла джюрюген.
Нёгерсизни джолу узун.
Сёз садакъдан кючлюдю.
Къолунгдан къуймакъ ашатсанг да, атаны борчундан къутулмазса.
Къыз келсе, джумуш эте келеди, къатын келсе, ушакъ эте келеди.
Экеулен сёлеше тура эселе, орталарына барыб кирме.
Адамны сыфатына къарама, сёзюне къара.
Ёнгкюч къууана барыр, джылай келир.
Хоншуну тауугъу къаз кёрюнюр, келини къыз кёрюнюр.
Кийиминг бла танылма, адамлыкъ бла таныл.
Ашда уялгъан – мухар, ишде уялгъан – хомух.
Адеб базарда сатылмаз.
Эри аманны, къатыны – аман.