- Чакъырылмай келген къонакъ сыйланмай кетер.
- Болджал ишни бёрю ашар.
- Ёксюзню къалачы уллу кёрюнюр.
- Джылыгъа джылан илешир.
- Джарлы эскисин джамаса, къууаныр.
- Адеб базарда сатылмаз.
- Билгенни къолу къарны джандырыр.
- Сакъ юйюне сау барыр.
- Чыкълы кюнде чыкъмагъан, чыкъса къуру кирмеген.
- Байны къызы баймакъ болса да, юйде къалмаз!
- Ариу сёз – джаннга азыкъ, аман сёз – башха къазыкъ.
- Акъдан къара болмаз.
- Бюгюн дуния кибик, тамбла ахыратды.
- Айтхан – тынч, этген – къыйын.
- Ёлмесенг да, къарт дамы болмазса?
- Арбаз къынгырды да, ийнек сауалмайма.
- Тил бла келеди джыр да.
- Тойгъан джерден туугъан джер игиди.
- Ойнай-ойнай кёз чыгъар.
- Окъугъан озар, окъумагъан тозар.
- Ёзденликни джайгъан – джокълукъ.
- Айтханы чапыракъдан ётмеген.
- Тюзлюк шохлукъну бегитир.
- Ишленмеклик адамлыкъды.
- Эли джокъну – кёлю джокъ.
- Алим болгъандан эсе, адам болгъан къыйынды.
- Суу да къайтады чыкъгъан джерине.
- Баланы адам этген анады.
- Таула не мийик болсала да, аууш табылыр.
- Эллинг бла джау болсанг да, юйюнг бла джау болма.
- Кийиминг бла танылма, адамлыкъ бла таныл.
- Къоркъакъны кёзю экили кёрюр.
- Онгсузну – джакъла, тенгликни – сакъла.
- Аджаллыгъа окъсуз шкок атылыр.
- Аз айтсам, кёб ангылагъыз.
- Къыз чыгъаргъан – къызыл къымжа.
- Акъыл неден да кючлюдю.
- Адамны сабийин сюйген джюреги, бычакъча, джитиди.
- Джангыз торгъай джырламаз.
- Этни да ашады, бетни да ашады.
- Уруну арты – къуру.
- Ашлыкъ – бюртюкден, джюн – тюкден.
- Джерни букъусу кёкге къонмаз.
- Тюкюрюк баш джармаз, налат кёз чыгъармаз!
- Ата Джуртуму башы болмасам да, босагъасында ташы болайым.
- Урунуу – насыбны анасы.
- Хар зат кесини орнуна иги.
- Ач, тоймам, дейди, тойгъан, ач болмам, дейди.
- Азыкъ аз болса, эртде орун сал.
- Ауругъаннга – кийик саулукъ, джетген къызгъа – чилле джаулукъ.
Урал, Болгария, Катар, Кавказ, Иран
03.10.2012