Эльбрусоид :: Эльбрусоид :: Урал, Болгария, Катар, Кавказ, Иран

Къарнынг тойгъунчу аша да, белинг талгъынчы ишле.
Баргъанынга кёре болур келгенинг.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Чакъырылмагъан джерге барма, чакъырылгъан джерден къалма.
Бичгенде ашыкъма, тикгенде ашыкъ.
Кёб къычыргъандан – къоркъма, тынч олтургъандан – къоркъ.
Адам боллукъ, атламындан белгили болур.
Бал чибинни ургъаны – ачы, балы – татлы.
Къарны аманнга къазан такъдырма, къолу аманнга от джакъдырма.
Элиб деген, элге болушур.
Байны къызы баймакъ болса да, юйде къалмаз!
Тил – миллетни джаны.
Аман киши кеси юйюнде – къонакъ.
Ата джурт – алтын бешик.
Аууз сакълагъан – джан сакълар.
Халкъны юйю – туугъан джери.
Билеги кючлю, бирни джыгъар, билими кючлю, мингни джыгъар.
Иги сеники эсе да, сюйген кесимикин этеме.
Сескекли кесин билдирир.
Адамны адамлыгъы къыйынлыкъда айгъакъланады.
Джангызны оту джарыкъ джанмаз!
Гугук кесини атын айтыб къычыргъанча, мен, мен деб нек тураса?
От кюйдюрген, сау болса да, тот кюйдюрген, сау болмаз.
Иги джашны ышаны – аз сёлешиб, кёб тынгылар.
Билимсиз иш бармаз.
Таукелге нюр джауар.
Джюрекге ариу – кёзге да ариу.
Тёрени джагъы джокъ.
Аджалсыз ёлюм болмаз.
Ашха уста, юйюнде болсун
Кёбню кёрген – кёб билир.
Бек ашыкъгъан меннге джетсин, дегенди аракъы.
Кесине гебен этелмеген, биреуге черен эте эди.
Мухарны эси – ашарыкъда.
Башда акъыл болмаса, эки аякъгъа кюч джетер.
Мухардан ач ычхынмаз.
Кесинге джетмегенни, кёб сёлешме.
Къайтырыкъ эшигинги, къаты уруб чыкъма.
Эркиши – от, тиширыу – суу.
Акъыллы – эл иеси, тели – эл баласы.
Этни бети бла шорпасы.
Хунаны тюбюн къазсанг, юсюнге ауар.
Кийим тукъум сордурур.
Джуртун къоругъан озар.
Джети тилни билген джети кишиди.
Джарлы тюеге минсе да, ит къабар.
Къонагъы джокъну – шоху джокъ.
Ашына кёре табагъы, балына кёре къалагъы.
Ёлюр джаннга, ёкюл джокъ.
Алтыда кюлмеген, алтмышда кюлмез.