Эльбрусоид :: Эльбрусоид :: Урал, Болгария, Катар, Кавказ, Иран

Кёб ант этген, кёб ётюрюк айтыр.
Ёзденликни кёбю ётюрюк.
Къуру гыбыт бек дыгъырдар.
Сескекли кесин билдирир.
Ариу джол аджал келтирмез.
Урунуу – насыбны анасы.
Адам къыйынлыгъын кёлтюрюр, зауукълугъун кёлтюрмез.
Окъугъан – асыу, окъумагъан – джарсыу.
Тамчы таш тешер.
Нёгер болсанг, тенг бол, тенг болмасанг, кенг бол.
Чомартха Тейри да борчлуду.
Тамырсыз терекге таянма – джыгъылырса.
Биреуге кёлтюрген таягъынг, кесинги башынга урур.
Уллу атлама – абынырса, уллу къабма – къарылырса.
Акъыллы эркиши атын махтар, акъылсыз эркиши къатынын махтар.
Телиге от эт десенг, юйюнге от салыр.
Эртде тургъан бла эртде юйленнген сокъуранмаз.
Азыкълы ат арымаз, къатыны аман джарымаз.
Тилде сюек болмаса да, сюек сындырыр.
Ачыкъ джюрекге джол – ачыкъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джогъун бар этген, барын бал этген.
Чоюнну башы ачыкъ болса, итге уят керекди.
Джашынгы кесинг юретмесенг, джашау юретир.
Эл ауузу – элия.
Эки элинги тыйсанг, джети элде махталырса.
Олтуруб кёрюнмей эди да, ёрге туруб кёрюне эди.
Танг атмайма десе да, кюн къоярыкъ тюйюлдю.
Ишге юренсин къоллары, халкъ бла болсун джоллары.
Ариу сёз джыланны орнундан чыгъарыр.
Джарлыны тону джаз битер.
Ойнай-ойнай кёз чыгъар.
Иги адам абынса да, джангылмаз.
Адам къаллай бир ишленмесе, аллай бир кесин уллу кёреди.
Джыйырма къойну юч джыйырма эбзе кюте эди.
Мураты болгъанны джюрек тебюую башхады.
Иги адамны бир сёзю эки болмаз.
Ауругъан – джашаудан умутчу.
Шапа кёб болса, аш татымсыз болур.
Мал ёлсе, сюек къалыр, адам ёлсе, иши къалыр.
Сагъыш – къартлыкъгъа сюйюмчю.
Акъыл сабырлыкъ берир.
Халкъны юйю – туугъан джери.
Ачыу алгъа келсе, акъыл артха къалады.
Иги – алгъыш этер, аман – къаргъыш этер.
Къонакъ хазыр болгъанлыкъгъа, къонакъбай хазыр тюлдю.
Илму – джашауну джолу.
Эм ашхы къайын ана мамукъ бла башынгы тешер.
Ишни аллы бла къууанма да, арты бла къууан.
Къарт айтханны этмеген, къартаймаз.