Эльбрусоид :: Эльбрусоид :: Урал, Болгария, Катар, Кавказ, Иран

От кюйдюрген, сау болса да, тот кюйдюрген, сау болмаз.
Атадан ёксюз – бир ёксюз, анадан ёксюз – эки ёксюз.
Уллу атлама – абынырса, уллу къабма – къарылырса.
Тёрде – темир таякълы, къаяда – чыпчыкъ аякълы.
Къарнынг бла ёч алма.
Эки къатын алгъанны къулагъы тынгнгаймаз.
Тенги кёбню джау алмаз, акъылы кёбню дау алмаз.
Эркишиге тары кебек танг кёрюнюр.
Ханы къызы буюгъа-буюгъа киштик болду.
Алгъанда – джууукъ, бергенде – джау.
Халкъгъа джарагъан, джарлы къалмаз.
Адам къаллай бир ишленмесе, аллай бир кесин уллу кёреди.
Туз, гырджын аша, тюзлюк бла джаша.
Адамны аты башхача, акъылы да башхады.
Ана къолу ачытмаз.
Тешигини къатында, чычхан да батыр болур.
Суугъа – чабакъ, къаягъа – ыргъакъ.
Агъач – джерни чырайы, кийим – эрни чырайы.
Чакъырылмагъан къонакъ къачан кетерин сормаз.
Садакъачыны джаны – къапчыгъында.
Арыгъан къош чамчы болур.
Элге къуллукъ этмеген, элге ие болмаз.
Этни бети бла шорпасы.
Сакъалы текени да бар, мыйыгъы киштикни да бар.
Байлыкъ келсе, акъыл кетер.
Ёзденликни джайгъан – джокълукъ.
Ким бла джюрюсенг, аны кёзю бла кёрюнюрсе.
Шапа кёб болса, аш татымсыз болур.
Билимли ёлмез, билимсиз кёрмез.
Зар адам ашынгы ашар, кесинги сатар.
Малны кют, джерни тюрт.
Джумушакъ терекни къурт ашар.
Эр абынмай, эл танымаз.
Аурууну келиую тынч, кетиую – къыйын.
Айтылгъан сёз ызына къайтмаз.
Ойнай-ойнай кёз чыгъар.
Джашны джигитлиги сорулур, къызны джигерлиги сорулур.
Аш иеси бла татлыды.
Минг тенг да азды, бир джау да кёбдю.
Хансыз джомакъ болмаз.
Мени джылытмагъан кюн, меннге тиймесин!
Дууулдаса – бал чибин, къонса – къара чибин.
Чомартха хар кюн да байрамды.
Кенгеш болса, уруш болмаз.
Азыкълы ат арымаз, къатыны аман джарымаз.
Тулпарлыкъ, билекден тюл – джюрекден.
Баш – акъыл ючюн, акъылман – халкъ ючюн.
Айтхан – тынч, этген – къыйын.
Тёрени джагъы джокъ.
Тин – байлыгъынг, терен саулугъунг.