- Эрине къаргъыш этген къатын, эрнин къабар.
- Адамны бетине къарама, адетине къара.
- Эки элинги тыйсанг, джети элде махталырса.
- Кёзю сокъурдан – къоркъма, кёлю сокъурдан – къоркъ.
- Борчунг бар эсе, хурджунунга ойлаб узал.
- Къартны бурнун сюрт да, оноугъа тут.
- Ата – билек, ана – джюрек!
- Джаралыны джастыгъында сау ёлюр.
- Кесинге джетмегенни, кёб сёлешме.
- Ойнаб айтсанг да, эслеб айт.
- Къонакъ аз олтурур, кёб сынар.
- Ишленмеклик адамлыкъды.
- Джырына кёре эжиую.
- Къазанда болса, чолпугъа чыгъар.
- Насыблы элин сюер, насыбсыз кесин сюер.
- Азыкъ аз болса, эртде орун сал.
- Юй кюйдю да, кюйюз чыкъды, ортасындан тюйюш чыкъды.
- Уясында не кёрсе, учханында аны этер.
- Джахил болса анасы, не билликди баласы?
- Намыс сатылыб алынмайды.
- Ишлерге уял да, ашаргъа табма.
- Гугурук къычырмаса да, тангны атары къалмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Къызгъанчдан ычхыныр, мухардан ычхынмаз.
- Башы ишлегенни, ауузу да ишлер.
- Ётюрюк хапар аякъ тюбю бла джюрюйдю.
- Ёлген ийнек сютлю болур.
- Джарлы тюеге минсе да, ит къабар.
- Окъуусуз билим – джокъ, билимсиз кюнюнг – джокъ.
- Таш бла ургъанны, аш бла ур.
- Ана кёлю – балада, бала кёлю – талада.
- Хоншуну тауугъу къаз кёрюнюр, келини къыз кёрюнюр.
- Атлыны ашхысы, ат тизгининден билинир
- Ашхы адам – халкъ байлыгъы, ашхы джер – джашау байлыгъы.
- Билим насыб берир, билим джолну керир.
- Ашлыкъны арба юйге келтирир, чана базаргъа элтир.
- Сескекли кесин билдирир.
- Юйюнг бла джау болгъандан эсе, элинг бла джау бол.
- Джиби бир къат джетмей эди да, эки къат тарта эди.
- Этим кетсе да, сюегим къалыр.
- Ышармагъан – кюлмез, кюлмеген – къууанчны билмез.
- Этек чакъмакълары баш джаргъан, сёлешген сёзлери таш джаргъан.
- Огъурлуну сёзю – суу, огъурсузну сёзю – уу.
- Мухардан ач ычхынмаз.
- Ичимден чыкъды хата, къайры барайым сата?
- Иги бла джюрюсенг, джетерсе муратынга, аман бла джюрюсенг, къалырса уятха.
- Къошда джокъгъа – юлюш джокъ.
- Эл ауузу – элия.
- Къатын къылыкъсыз, эр тынчлыкъсыз.
- Айран тёгюлсе, джугъусу къалыр.
Урал, Болгария, Катар, Кавказ, Иран
03.10.2012