- Ишин билген, аны сыйын чыгъарады.
- Къонакъ кёб келюучю юйню, къазаны отдан тюшмез.
- Тёзгеннге, джабылгъан эшик ачылыр.
- Тешик этген тынчды, аны джамагъан къыйынды.
- Киштикге къанат битсе, чыпчыкъ къалмаз эди.
- Чакъырылгъанны аты, чакъырылмагъанны багъасы болур.
- Ишленмеклик адамлыкъды.
- Джюрекден джюрекге джол барды.
- Билим ат болуб да чабар, къуш болуб да учар.
- Къыйынлы джети элни къайгъысын этер.
- Эртде тургъан бла эртде юйленнген сокъуранмаз.
- Адам туугъан джеринде, ит тойгъан джеринде.
- Билген билмегенни юретген адетди.
- Аман адам этегингден тутса, кес да къач.
- Рысхы – насыбха къор.
- Билим къая тешер.
- Бети бедерден, намыс сакълама.
- Къонакъ болсанг, ийнакъ бол.
- Итли къонакъ джарашмаз.
- Мени джылытмагъан кюн, меннге тиймесин!
- Кёл ашады да, кеси ашады.
- Ашда уялгъан – мухар, ишде уялгъан – хомух.
- Окъуу – билимни ачхычы, окъуу – дунияны бачхычы.
- Адеб джокъда, намыс джокъ.
- Кёзю сокъурдан – къоркъма, кёлю сокъурдан – къоркъ.
- Биреуню тёрюнден, кесинги эшик артынг игиди.
- Термилгенинги табмазса, кюлгенинге тюберсе.
- Кёбге таш атма.
- Къарт бла баш аша, джаш бла аякъ аша.
- Кёбден умут этиб, аздан къуру къалма.
- Хаухну атма, ёнгкючню сатма.
- Борчунг бар эсе, хурджунунга ойлаб узал.
- Кюл тюбюндеги от кёрюнмейди.
- Аш хазыр болса, иш харам болур.
- Айырылгъанланы айю ашар, бёлюннгенлени бёрю ашар.
- Къонакъ аман болса, къонакъбай джунчур
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адамны аманы адамны бети бла ойнар.
- Суу ичген шауданынга тюкюрме.
- Суу кетер, таш къалыр.
- Тамырсыз терекге таянма – джыгъылырса.
- Тойну къарнашы – харс, джырны къарнашы – эжиу.
- Адамны сабийин сюйген джюреги, бычакъча, джитиди.
- Нёгерсизни джолу узун.
- Юй кюйдю да, кюйюз чыкъды, ортасындан тюйюш чыкъды.
- Бал ашаргъа сюе эсенг, чибин ургъаннга тёз.
- Ашхы адам – халкъ байлыгъы, ашхы джер – джашау байлыгъы.
- Кесинг сынамагъан затны, адамгъа буюрма.
- Акъыл неден да кючлюдю.
- Ишлерге уял да, ашаргъа табма.
Урал, Болгария, Катар, Кавказ, Иран
03.10.2012