- Джангызны оту джарыкъ джанмаз!
- Ишлерге уял да, ашаргъа табма.
- Болджал ишни бёрю ашар.
- Тёзген – тёш ашар!
- Аурууну келиую тынч, кетиую – къыйын.
- Билим къая тешер.
- Тойгъан джерден туугъан джер игиди.
- Кёз – сюйген джерде, къол – ауругъан джерде.
- Бал – татлы, балдан да бала – татлы.
- Аман киши кеси юйюнде – къонакъ.
- Аман адамны тепсинге олтуртсанг, къызынгы тилер.
- Татлы тилде – сёз ариу, чемер къолда – иш ариу.
- Адамгъа аман кюн соруб келмейди.
- Керек ташны ауурлугъу джокъ.
- Аман адам этегингден тутса, кес да къач.
- Биреу къой излей, биреу той излей.
- Бермеген къол, алмайды.
- Дуния мал дунияда къалады.
- Тёрде – темир таякълы, къаяда – чыпчыкъ аякълы.
- Къатын къылыкъсыз, эр тынчлыкъсыз.
- Аман къатын алгъан, арыр, иги къатын алгъан джарыр.
- Сабий болмагъан джерде, мёлек болмаз.
- Къыз келсе, джумуш эте келеди, къатын келсе, ушакъ эте келеди.
- Ашда – бёрю, ишде – ёлю.
- Таула не мийик болсала да, аууш табылыр.
- Сютню башын джалагъан къутулур, тюбюн ичген тутулур.
- Ачны эсинде – аш.
- Сагъыш – къартлыкъгъа сюйюмчю.
- Джуртун къоругъан озар.
- Ёпкелегенни ашы татлы болады.
- Айранын берсенг, челегин да къызгъанма.
- Уллу къашыкъ эрин джыртар.
- Телиге от эт десенг, юйюнге от салыр.
- Ата – баланы уясы.
- Кёл – къызбай, къол – батыр.
- Тойгъандан сора, ашны сёкме.
- Аякъларынгы джууургъанынга кёре узат.
- Къарын къуру болса, джюрек уру болур.
- Суугъа – чабакъ, къаягъа – ыргъакъ.
- Юй кюйдю да, кюйюз чыкъды, ортасындан тюйюш чыкъды.
- Хансыз джомакъ болмаз.
- Элде адам къалмаса, ит тахтагъа минер.
- Баш – акъыл ючюн, акъылман – халкъ ючюн.
- Джыланны къуйругъундан басарынг келсе, аны башы болгъанын унутма.
- Ачлыкъ отха секиртир.
- Тулпарлыкъ, билекден тюл – джюрекден.
- Керти сёзге тёре джокъ.
- Соргъан айыб тюлдю, билмеген айыбды.
- Сагъышы джокъ – джукъучу, акъылы джокъ – къаугъачы.
- Ургъан суудан башынгы сакъла.
Урал, Болгария, Катар, Кавказ, Иран
03.10.2012