- Къонакъ аман болса, къонакъбай джунчур
- Атлыны кёрсе, джаяуну буту талыр.
- Ётюрюкню къуйругъу – бир тутум.
- Танг атмайма десе да, кюн къоярыкъ тюйюлдю.
- Тынгылагъан тынгы бузар.
- Бал – татлы, балдан да бала – татлы.
- Акъыл аздырмаз, билим тоздурмаз.
- Тил – кесген бычакъ, сёз – атылгъан окъ.
- Накъырда – кертини келечиси.
- Сабий кёргенин унутмаз.
- Мухарны эси – ашарыкъда.
- Ёзденликни джайгъан – джокълукъ.
- Накъырданы арты керти болур.
- Хата – гитчеден.
- Мал ёлсе, сюек къалыр, адам ёлсе, иши къалыр.
- Чоюнну башы ачыкъ болса, итге уят керекди.
- Окъумагъан сокъурду, сокъур ташха абыныр!
- Сакъламагъан затынга джолукъсанг, не бек къууанаса, не бек ачыйса.
- Тура эдим джата, къайдан чыкъды хата?
- Ишни ахырын ойламай, аллын башлама.
- Джырчы джырчыгъа – къарнаш.
- Мухардан ач ычхынмаз.
- Ата – баланы уясы.
- Тамчы таш тешер.
- Акъдан къара болмаз.
- Байлыкъдан саулукъ ашхыды.
- Магъанасыз сёз – тауушсуз сыбызгъы.
- Сыфатында болмагъаны, суратында болмаз.
- Олтуруб кёрюнмей эди да, ёрге туруб кёрюне эди.
- Ачлыкъ отха секиртир.
- Гугук кесини атын айтыб къычыргъанча, мен, мен деб нек тураса?
- Бети бедерден, намыс сакълама.
- Джюрек кёзден алгъа кёрюр.
- Къумурсхала джыйылсала, пилни да джыгъадыла.
- Тулпарлыкъ, билекден тюл – джюрекден.
- Къарын къуру болса, джюрек уру болур.
- Хунаны тюбюн къазсанг, юсюнге ауар.
- Терек ауса, отунчу – кёб.
- Тёзген – тёш ашар!
- Иги сёз – джаннга азыкъ, аман сёз башха – къазыкъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кийимни бичсенг, кенг бич, тар этген къыйын тюлдю.
- Къонакъ болсанг, ийнакъ бол.
- Ашын ашагъанынгы, башын да сыйла.
- Бал ашаргъа сюе эсенг, чибин ургъаннга тёз.
- От этилмеген джерден тютюн чыкъмайды.
- Уллу айтханны этмеген – уллаймаз.
- Эшекни не къадар тюйсенг да, ат болмаз.
- Намыс болмагъан джерде, насыб болмаз.
- Тенгинг джокъ эсе – изле, бар эсе – сакъла!
Урал, Болгария, Катар, Кавказ, Иран
03.10.2012