Эльбрусоид :: Эльбрусоид :: Урал, Болгария, Катар, Кавказ, Иран

Аш берме да, къаш бер.
Ётюрюкню башын керти кесер.
Айныгъанлы алты кюн, тогъайгъанлы тогъуз кюн.
Эшекни не къадар тюйсенг да, ат болмаз.
Акъыллы – эл иеси, тели – эл баласы.
Ариу сёз – джаннга азыкъ, аман сёз – башха къазыкъ.
Аууздан келген, къолдан келсе, ким да патчах болур эди.
Чыбыкълыкъда бюгюлмеген, къазыкълыкъда бюгюлмей эди.
Ата Джуртча джер болмаз, туугъан элча эл болмаз.
Танг атмайма десе да, кюн къоярыкъ тюйюлдю.
Гугук кесини атын айтыб къычыргъанча, мен, мен деб нек тураса?
Башда акъыл болмаса, эки аякъгъа кюч джетер.
Нафысынгы айтханын этме, намысынгы айтханын эт.
Кёзю сокъурдан – къоркъма, кёлю сокъурдан – къоркъ.
Джюрекге ариу – кёзге да ариу.
Суу да къайтады чыкъгъан джерине.
Сабий кёргенин унутмаз.
Таукел тауну аудурур.
Аманнга алтын чыдамаз.
Акъыл сабырлыкъ берир.
Чомартны къолун джокълукъ байлар.
Харам къарнашдан, халал тенг ашхы.
Ашына кёре табагъы, балына кёре къалагъы.
Джумушакъ сёз къаты таякъны сындырыр.
Ашаса, ашамаса да, бёрюню ауузу – къан.
Сакъламагъан затынга джолукъсанг, не бек къууанаса, не бек ачыйса.
Сескекли кесин билдирир.
Аман къатын сабий табса, бий болур…
Хазыр ашха – терен къашыкъ.
Джукъу тёшек сайламайды.
Ушамагъан – джукъмаз.
Ишлерге уял да, ашаргъа табма.
Къонакъ болсанг, ийнакъ бол.
Ёксюзню къалачы уллу кёрюнюр.
Уллу къазанда бишген эт, чий къалмаз.
Тешигини къатында, чычхан да батыр болур.
Ишге юренсин къоллары, халкъ бла болсун джоллары.
Ойнай билмеген, оюн бузар.
Ач къалгъандан, кеч къалгъан къолай.
Тёрени джагъы джокъ.
Джолунга кёре – джюрюшюнг, джагъанга кёре – юлюшюнг.
Джумушакъ терекни къурт ашар.
Хунаны тюбюн къазсанг, юсюнге ауар.
Ауругъанны сау билмез, ач къарынны токъ билмез.
Адеб базарда сатылмаз.
Ашыкъгъан cуу, тенгизге джетмез.
Чакъырылмагъан джерге барма, чакъырылгъан джерден къалма.
Къолу уллу – асыу, аягъы уллу – джарсыу.
Ана къойну – балагъа джандет.
Башы джабылгъан челекге, кир тюшмез.